Sal vek Rualpi sinak

April 1

Tlawngkai Nithum                    

Sal vek Rualpi sinak

Siar: 1Thesalon 2:1-8

Nu in a faa le a cawm ih dimdoihnak thawn a tuamhlawm vekin nan hnenih kan um lai ahkhan thinnemnak thawn kan um a si.   -1Thesalon 2:7

Kumkhat Sung Baibal:

   Thuthentu 13-15

   Luka 6:27-49

 Don Tack in umnak inn nei lo pawl ih nun theih hliah a duh ruangah mi ih theihthiam lo dingin a umnak khuapi sungih lamzin kip ah a um. Pawlkom tampi in rawl le umnak an pek a si ti a thei. Um khawmnak hmun pakhat ahcun sermon  ngai dingin zaan khat a caam ngah. Thusimtu pa a lawmzet. Cibai buk phah in ton le biak a duh thu a sim nain ka man lo tiah a tlansan.

       Don in a theih suakmi cu inn nei lo pawl hnenih Pathian hnattuannak ih tlaksamnakbik cu pehtlaihnak a si. Curuangah Servants Center timi hnattuantu pawl hmunpi pawlkom a din ih rualpi tthatnak ihsin bomnak pek a tum.

Don in hmun pakhat ih tonmi thusimtu cu Paul thawn cun an bang aw lo. Paul cun thuthangttha a sim tikah a nunnak khal a pek. “Kan lo duhdawtzet ruangah Pathian thuthangttha lawng hman si loin kan nunnak rori khal hi hlawm kan lo duh. Kan duhdawtzet mi nan si zo,” (1Thes 2:8) a ti. “Nu in a faa le a cawm ih a tuamhlawm hngai vekin nan hnenih kan um lai ahkhan thinnemnak thawn kan um a si” (c.7) a ti hngai.

  Bawipa ih hna kan ttuannak ah ttongkam le paisa lawng pek si loin kan tikcu caan le rualpitthatnak kan pek maw?

                                                                        Ka nun sungah Khrih hrangah hnattuan ka duh,

Farah nunhar hnem ding le thapek ka duh;

Cumi cu Pathian duhnak a si,

A ttulsammi leeng in Pathian thu sim dingah.

 

Khrih kan bangnak tahfung pakhat cu

midang harsatnak kan theihsaknak hi a si.

Comments

comments

Comments

%d bloggers like this: