Sakai Remdaih Sunlawihnak Suu Kyi Le Taiwan Red Cross In Ngah

A vei thumnak Sakai Remdaih sunlawihnak lawmman cu Aung San Suu Kyi le Taiwan Red Cross Organization pawl hnenah hlan an si ding. Suu Kyi in kan ram mipi zalennak hrang a sual ih hruaitu pitling a sinak ruangah a ngah dingih, Taiwan Red Cross Organization vethung cun 2011 ih Japan rampi Tsunami ninghang tuartu pawl Asia ram ihsi bawmtu tambik le thawhbur thawh tambik an sinak ihsin an ngah ding.  An lawmman pek ni ah Suu Kyi cu a telthei lo ding.

Hi cawimawinak hi Sakai a cozah ih pek mi a siih. Remdaihnak hrangih ṭuantu mimal le pawlkom pawl ih hnaṭuan dan ih zoh in an pek mi a si. Tu an pek dingmi hi a vei thumnak lawng a si laiih Asahi Shimbun Co. pawl ih bawmnak ihsin an pek mi a si.

Encouragement Prize (Forhfialtu Lawmman) khal an pe ih tuikum hrangah cun Tomo Matsui, kum 59 mi nauhak pawl cabu ngantu pa an pe ding.

Sakai khawpi hi khuahlan China Ming Dynasty (1368-1644) kum lai hrawng ih rak din mi a siih Spanish le Protuguese sumtuah tu pawl ih rak din mi khawpi a si. 2008 ihsin hi remdaih sunlawinak lawmman hi an tuah thok ih kumhnih veikhat an hril.

Hi sunlawihnak lawmman hi Oct.25 ah Sakai Municipal Worker’s Welfare Center (Sun Sṭuare Sakai) tlailam 2:30 ih pek ding mi a si.

(Visited 37 times, 1 visits today)

Comments

comments

Comments

%d bloggers like this: