Saikhumphai CYMA In Bawmnak Pek Kham

Sk-7Van Bawi Lian

Mi tam zet in tulai Mizoram ih Saikhumphai nawhkang thu ah ruahdan dangdang kan nei cio ding tiah zumnak ka nei. Mizoram ih khua pakhat nawhkang asiruangah silo in hi khua hi kan ram ihsi vailut, Meithal, No.4, Sivai siava pawl khawlnak hmun tiih puh ruang le Vaphai VC hnuaiih um duhlo Mizo nunphung le sakhuanak tisetu khua tiih puh ruangih urkang a sinak ruangah keikhal ka rak seherh ve zet ih thuhla nasaten zingzoiin ka rak sut in ka rak siar.

Saikhumphai khua ih um kan Chin mi unau pawl zovek an si ticu theih ka neilo. Asinan Saikhumphai khua pawl khalin tisual mi le Mizoram ih duhlo mi thil pawl an tuah a si ticu a langfiang ko. Mi ram ih kan tlanlen tikah an ram dan le duun ih a duhlo mi pawl cu tuah lo in an ti dan kan thlun ve rori a ṭul asi.

Amahlawngte hivek ih khua pakhat rori ur hicu tulai san ahcun hnam aa le ruahnak neilo pawlih titawk ih ruah mi tluk a si. Culawng silo in minung covo sinak palzutnak a si. Sakhuanak ruang, miphun, vun le rong pawl ruangih hremnak a petu pawl hi dan vek ih hremding an phu rori a si.

Sk-3Tu ah Central Young Mizo Association pawl in bawmnak thawhbur khawn ding cu khawn hrihlo dingin thu an rak suah. Mizo Student Union le Mizo Zilai Pawl pawl cun CYMA pawl ih thusuah micu pompi lo in bawmnak a pe theithei khawn khawm ih bawmnak pek ding an rak duh thu an rak tarlang ve.

YMA ih thuken cu “Bawm Ṭul Mi Pawl Bawm” ti a si. Hi tiih CYMA pawl ih bawmnak pek hrihlo ding an ti ruangah mi ziang maw tizat cun CYMA hruaitu pawl cu an mawhphun zet.

(Visited 59 times, 1 visits today)

Comments

comments

Comments

%d bloggers like this: