Ruun Suak

June 30

Tlawngkai Nithum 

Ruun Suak 

Siar:

Kolose 1:12-22 

Amah in kannih in uktu thimnak huham sung ihsin in ruun suak ih a fahniang uknak sungah in luhpi zo.   – Kolose 1:13 

Kumkhat Sung Baibal:

–   Job 17-19

–   Tirhthlah 10:1-23 

South Africa ram mi pakhat cu mi pakua pawl in a thil neihmi an ra long ruangah a mang a bangzet. Mi pasarih cu an tlan nain pahnih cu a inn dunglam ih dawlmi tili sungah a tul thlak hngai. Pakhat pa cu ti leuh a thiam lo ti kha a hmuh tikah innteek pa cun tili sungah dawp tahrat in a vung ruun suak saal. The Cape Times thuthangca in cuih thuhla cu hiti’n a ngan: Ti sungin a hung suak hnu ah a ciar tthehmi fifir pa cun a rualpi pawl kha ra kir dingin a ko hngai ih a naamte suah in amah ruuntu innteek pa cu that dingin a tthih. Innteek pa in, “Tili kiangah kan dingih a naamte a suah tikah tili sungah ka tuul thluk saal. Asinan ti sungih a pil thi zikmi ka hmuh tikah ka ruun saal lala,” a ti.       

Paul in Kolose cakuat sungah Pathian in thimnak ih uknak sung ihsin a ruun suak hngai thu a sim. Cuih ruunnak cu Jesuh thihnak thawngin le Kolose pawl ih thlengh awknak ruangah a si. Paul ih ruahmi cu (Kolose 1:12-13) zumtu pawl cu Satan ih uknak thim thuneihnak huham ihsin ruun suak mi an si ih Jesuh Khrih ih daihnak le uknak sungah miluat an si zo. Jesuh thihnak thawngin zumtu pawl cu tleunak ram ih rammi (citizen) an si zo.      

Cuti a si ruangah lungawi aipuang in um uhsi! Ziangahtile hnin a theih lomi Khrih ih uknak kan co zo a si. Pathian hnenah kan lungawinak cu langter uhsila Amai’ lungawi zawngin Amah cu upatnak le ttihzahnak thawn biak uhsi!” (Heb.12:28). – Marvin Williams

 Bawipa, Na duhdawtnak in natnak a zuah lo ding,

Thihnak thim khawzing neh dingin;

Na Fapa neihsun Na run thlah;

Sualnak ihsin in ruun suaktu dingah. – M. Gustafson 

Jesuh in thinglamtah in Amah dodaltu pawl a tlen ih a ruun hngai.

Comments

comments

Comments

%d bloggers like this: