Ruul Dolh Tuar Ih Video Zaihtu Paul Rosolie

discovery
January Van
Discovery Channel ih rannung, ramsa pawl ih sinak zingzoitu, Paul Rosolie cu Ruul ih dolh tuar in Video a zaih ih TV Channel ah mipi ih hmuh theih in a suah ding thu, Daily Mail in a taarlang.

Paul dolhtu ding Ruul cu South America ih Ruul tumpi asimi, Anaconda asi. Ruul ih dolh tuar dingah a hruk dingmi thuam cu Ruul ih taksa le rimsia tuar thei dingih tthatak ih tuahmi asi. Ruul ih saulam hi pi 25 asi ih a rihlam ah pound 400 asi ti asi. An zaihmi cu Ruul pumsung ih thil umtudan asi.

Video zaih cu an ttheh zo ih mihrek cun Ruul hmuhsuam asi tiah an ti. Asina’n Anaconda raalkap pawl cun hi Ruul pawl hi ziang tivekin an nung, an um timi zinzoinak asi ih an dam rei theinak ding sawnah asi tiah an ti. Video an zaih tthehhnu, Britain le ramdang hrekkhat pawl ih Discovery Channel ah thlah ding asi ih mi tampi cun zoh dingah an hlawktlo nasa ti asi.

Mi hrekkhat ih ruahnak ahcun Paul ih nunnak phansak a um an ti na’n thungaite’h ti ahcun Ruul ih nunnak sawn phansak a um ti asi.

(Visited 970 times, 1 visits today)

Comments

comments

Comments

%d bloggers like this: