Russian Cun Kum 2014 Hnulam Suak Hrang Kuatfawh Kham Tum

Russia rampi cun a ram mipi pawl kuatfawptu si lo dingin thuhla a tawlrel. Russia ram ih harhdamnak lam tlangbawi cun 2014 hnulam ih suak Russia mipi pawl cu kuatfawh khamnak dan tuah dingin a duhthu a pholang ih Radio Free Europe/Radio Liberty pawl hnen khalah a sim.

Russsia ram ahcun kum 18 cin in kuakfawh hi daan in a siang nan, himi khal phelh ih daanthar tuah dingin an tum. Asinan kum 2033 hnu lam lawngah hi kuakfawh rampum ih khamnak cu tinung a si ding.

Russia ram ahcun kum 2013 ihsin mipi umnak hmun, rawldawr pawl ah kuakfawh hi an kham thluh zo. Hivek ih rampum huap kuakfawh khamnak tuah a si ahcun a thup a ral ih kuak zuar sumtuahnak pawl an karh thei tiih rak hmutu khal an um. Asinan khamnak ding ruahmantu harhdamnak tlangbawi pawl cun kum tinte in kuak ruang ih Russian mipi thi le natnak nei 300000 – 400000 pawl hi kan runhim thei sawn ding a si tiin an ti.

  • Time

Comments

comments

Comments

%d bloggers like this: