Russia Ram Ih Tidai Thisen Vek Ah Cincang Theiloin A Cang

160907215643-russia-river-red-exlarge-169

Russia ram ih tiva pakhat cu thisen vekah a cang. A sennak san hi theihfiang a si hrih lo.

Russsia ram ih tiva pakhat, Arctic khua timiih Naorilsk ih Daldykan tiva cu mani sun ah thisen vek roriin a zaten a cang thluh.

Thuneitu pawl in ziangruangah hi tiin a cang timi a rang thei bikih ngaihven dingin le kiangkapboruak pawl a tisiat thei ding le ding lo pawl khal ngaihven dingin an tawlrel cih.

Akiang nai zetih umtu, Nadezhda Metallurgical Plant, Russia Ministry of Natural Resources and environment pawl cun ‘Chemical (sivai phunphun cawhpawlh mi) ruangah’ a cang mi a si ding tiin an zum.

Hi tawk hmun hi leitlun ih Nickel tuahtu tumbik Norilsk Nickel pawl ih neih mi ram a si. Company pawl cun an thiltuah mi ruangih cangmi a si ding cu a cang theilo mi a si tiin an ti.

Kiangkap um khaw mipi pawl ih sim dan ahcun hi hmun, tidai thisen vek ih cang hi a vei khatnak asilo tiin an sim.

Mipi in ding mi tidai thawi an pehawk lo ruangah vangtlang mipi hrang ih tihnung cu a si hrih lo tiah thuneitu pawl ina an than. Hi tawk hmun hrawng hi leisuak thiltha tamzet a umnak hmun a siih a daih caan ah -45 F tiang a thleng theunak hmun a siih leitlun ih nickel, copper le palladium pawl an tuahsuak tambiknak hmun khal a si.#

– CNN

Comments

comments

Comments

%d bloggers like this: