Russia le Qatar In World Cup Dar Ding : Leitlun Mangbang

qatar.JPG

Qatar Futball ngaina tu pawl an lungawi

Mani sun ih 2018 le 2022 hrang World Cup hmannak ding FIFA ih an hrilnak ah Russia le Qatar in 2018 le 2022 World Cup cu dar ding an co. 2014 World Cup cu Brazil ah hman a si ding. 2018 hrangih a zuam hleice tu England, Spain, Portugal, Blegium, Netherland pawl cu a hmaisabik ih vote thlaknakah an tlak cih. Tui tum World Cup hmannak ding hrangih a hriltupawl lakah eiruknak a um tiih thuthang lakah veikhat hman a thlen dah lonak hmun Russia le Qatar ih a thlen ding hi mak an ti zet.

2022 hrang ih a zuam hleice tu United States, Australia, South Korea le Japan pawl khal Qatar ih a ngah ruangah mangbang zet in an um ve. Qatar ih hman ding caan hi tthal niling tuk asi ding ruangah harsatnak a um ding ti an phan tuk FIFA pawlcun ansim nan Qataris pawl cun lehnak inn dai hnem, boruak fim umtheinak sak dingin an tiam.

Qatar veikhat hman World Cup ih tel hrih lo tuih World Cup an dar tum mi cu an mipi pawl nasa zet ih an thlem ih ziangtluk World Cup an dar mi a hlawk ti an sim cu a tul ding tiin thuthang la tu pawl cun a sim ve.

US President Barrack Obama rori khalin an rak ih World Cup dar dingin a duhthu a hlan ve ko nan tuvek ih a um thu ah hin FIFA pawl ih an thu tuah dan hi a lungkim lo zet. An thutluknak cu a hmanlo a si tin Obama cun thuthang lakhawmtu pawl a sim.

Comments

comments

Comments

%d bloggers like this: