Rundamnak Thuahthum

December 14

Tlawngkai Ninga

 

Rundamnak Thuahthum

                                                           

Bible Siar Ding: Rom 10:8-13

 

Ca Thianghlim in, “Zokhal Bawipa ih hmin a kotu hmuah in rundamnak an ngah ding,” a timi a kim a si.

  –  Rom 10:13

 

Kilvengtu pakhat in mi pakhat tisuar lakih tileuh pil zikmi a hmuh tikah va ruun dingin diving a tthu. Cumi pa hnenah a va thleng ih a ruun ngah tikih cupa hnen ihsin a theih hmaisabikmi awkam cu, “Keimah in nangmah sawn lo ruun vekin na tuah thei pei maw? ka fala nu in i zoh ringring ih,” ti a si.

Cuvek ruahnak le thinlungput cu aat-thlak a va si so nan ti lo maw? Kan minung sinak cun rundam ttul kan sinak hi a cosaang duh/thei lo ttheu.

Kan duh ah maw, duh lo ah maw kan zate’n rundam kan ttulnak hmun pakhat te cu kan nei thluh a si. Ziangtluk ih kan zuam khal le sualnak sung ihsin cun kanmah le kanmah kan rundam aw thei hrimhrim lo. Curuangah si Pathian in A Fapa Jesuh Khrih kanmah Rundamtu dingih a run thlahnak san! Amah pakhat lawng hi sual nei lo le kanmah ai-awh ih thitu a si.

Jesuh sungih kan neihmi rundamnak cu thuahthum a si. Sualman thihnak hell ram lut lo dingin in rundam. Sualnak sal sungih taang lo dingin sual huham sung ihsin in rundam. A netabikah, Amah hnenih kumkhua kan um tikah sual ih dai ban lonak hmun ah him te’n in umter lai ding.

Hih rundamnak sunglawi kan co theinak dingah lamzin pakhat te umsun cu Amah hnenah pan ih dil lawng hi a si.

 

Thianghlim Bawipa, keimah te kan hlawh thei lomi rundamnak sunglawi in cotermi parah lungawithu ka lo sim.

Rundamtu Jesuh Khrih thawn kan pehzom awknak in tuni ka nun daan ah ziangti’n si thlengh awknak a umter thei ding?

 

@Ava Pennington

(Visited 30 times, 1 visits today)

Comments

comments

Comments

%d bloggers like this: