Rundam Na Si Zo Maw?

December 16

Zarhpi Ni

 

Rundam Na Si Zo Maw?

 

Bible Siar Ding: Tirh. 2:14-21

 

Ni a thim dingih, thlapi khi thiisen bangin a sen ding;

Bawipa ih Ni – ni maksak le ni sunglawi a thlen hlan deuh ah, Bawipa hnenah bomnak dil in a autu cu rundam an si ding.

  –  Tirh. 2:20-21

 

Rundam na si zo maw? Thulehnak cu nunnak le thihnak karlak ih danglamnak a si thei. Sikhalsehla hih thusuhnak cu tuni kan leilungpi ah hnihsuakza ih thuhrampi a si lai hrih thotho.

Leilungpi cun Satan cu ttawnttok suaitu pawl ih suaimi ki nei le mei nei zuk vekin an langter ih, Christian pawl cu ruahnak nei lemlo cet milai vekin nuamzet ih um dingah thiltitheinak hlohtertu tivek fang in in hmu. Pathian cu duh a nung nain a cang ttha thei lomi putar, asilole zaangfah dil theih lo thutthentu vekin an langter. Hiti vekih hmuhsuamnak pawl ruangah si tuni ah mi tampi in rundam kan ttul ti an zum thei lonak san cu!

Mipi cu an hni men ko ding, asinan an hnih mennak cun atak ih a ra thleng tengteng dingmi thutthennak cu an el thei cuang lo ding. Pathian ih pekmi Jesuh Khrih thawngih rundamnak pakhat lawng hi sual man cawhkuan  thutthennak ihsin luat theinak lamzin umsun a si.

Kan kiangkap mi pawl hnenah an hmailam caan hrangih kan duhsak zia langter uhsi. Kumkhua hremhmun (hell) ih um ding hi hnih ding thu a si lo. Pathian ih in kawh tikah Bible thawn mi va thawi dingah a si lo. Mikip hnenah duhdawtnak langter in rundamnak thuthangtha sim ih an nunnak ih thusuhnak maksak le thupibik an ton lai dingmi “rundam na si zo maw?” timi hrangih thulehnak neihter dingah a si.

Bawipa Jesuh, midang duhdawttu le Na hnen thlentertu in siter aw.

Pathian hnenah, tuni zo hnenah so rundamnak thuthangtha sim theinak caan ttha in pe hram aw, ti’n thla ka cam ding?

@Ava Pennington

(Visited 39 times, 1 visits today)

Comments

comments

Comments

%d bloggers like this: