Rundam Cia Mi

August 31

Tlawngkai Nihnih 

Rundam Cia Mi 

Siar:

Efesa 2:1-10 

Sikhalsehla Pathian ih in zaangfahnak cu a tlamtling ngaingai ih… kan sualnak sungah thlaraulam in mithi cia kan si ko nain Khrih thawn nunnak ah in thoter saal zo. Pathian ih zaangfahnak thawngin rundam mi nan si.     – Efesa 4:4-5 

Kumkhat Sung Baibal:

–   Saam 132-134

–   1 Korin. 11:17-34 

Lauren cu ttihphang phah cingte in tiva parih mi pakhat te tomi lawng parah a to. Cuttheh le lawng dang pawl le lamhmuhtu pawl thawn an feh.           

Lauren in a hmai ih titlaser a hmuh cun a lau sinsin. Hmakhatte ah a tonak lawngte cun titlaser a pah tikah a lawng cu a let. Cuvek a ton asile ziangti’n tuah ding timi thu an zirh cia zo. Asinan atak ih a cang ngaingai tikah a taal suahnak ding fung pawk dingmi a hlo. A thaw hman a thaw thei nawn lo ti a thei aw thlang. Caan rei lote ah Bawipai’ hnenih thleng dingah a ruat aw. Cu ttheh ah amah ruunsuaktu ding mi pawl an ra thleng. Lauren cu a taksa thihnak ding ihsin ruunsuaktu a neih tikah a lung a awituk.           

Ruunsuahnak thupi sawn kan hrangah tuah sak kan si, thlarau thihnak ihsin in ruun suak dingah Jesuh Khrih a ra. Sualnak sungih kan pillai ah, Pathian in a Fapa Jesuh Khrih thihnak le a thawh saalnak ihsin in ruun (Rom 5:8; Efesa 2:5). Zaangfahnak le duhdawtnak tumpi a neih ruangah kan hrangah a tuahmi a si (Efesa 2:4).           

Lungawinak ruangah ruunsuah ding a ttulzettu hnenah Rundamtu ih thusim in midang kan bawm thei ding.    – Anne Cetas 

A hlo dingmi ruun aw, thi dingmi bawm aw,

Sualnak le thlaan thim sungin ruunsuak aw;

A palh mi kha hram aw, a bah mi tung aw,

Jesuh rundamnak thu khi va sim aw.    – Crossby 

Tlen cia zo mi cu midang runsuaktu dingah raalring te’n um seh.

(Visited 19 times, 1 visits today)

Comments

comments

Comments

%d bloggers like this: