Ruat Ve Aw

One Direction
By 
Levi Sap Nep Thang

UK ramih One Direction music hla siak thiam mi pa 5 hi tulai sanah mino uar bik an si. Cumi lakah Zayn Malik timi pa cu a pa Pakistan mi asiih, a nu cu mirang asi. Zayn Malik cu himi zuk sungah a laita ih um, t-shirt a var hruh tu pa asi. A pa Muslim asi ruangah a nu khal Muslim ah a lut. Cu pawl cu kan dung ni Hamas in Israel a do tiang mi theih lem lo a rak si.

Hamas in Israel a do hmaisa sawn ti cu mitin kim theih asi. Cun Hamas cu Palestinian refugee pawl ai awh tu khal asilo tikhal mipi theih asi. Cunana, Zayn Malik cun ziang sai lo emem in a Muslim ttan duh tukah FREE PALESTINIAN tin ca a ngan.

Cumi a ca ngan ruangah One Direction ti hming thang tu Simon Cowell a lungawi lo. Simon Cowell cu American Idol tivek, Britain got talent tivek, X-Factor tivek music lam ah idea ttha ttha nei tu asi. Nan thei cio ding ka zum. Simon Cowell cu Jew (Israel) mi asi. Israel ramkap hrang khalah a sumpai pe tu asi.

Tu ah mino tete tampi an lungawi ve lo. Tul lo tukih One Direction hlasak tu pakhat in, Palestinian a ttan thu a ngan kha, One Direction hming a siat phah ih, an music team khal a kuai cing ding tin Simon in a rel suak zo.

Kei khal hi Muslim pa a tel ti ka theih cinin One Direction ih hla ka ngai nawn lo ding. An music team ah Christan pa 4 an um ih, Iraq ram ih Christian thah an tuar khalah ziang ttong lo. An Muslim pakhat neih sunte cun Muslim dik lo khalah a ttan zia a lang tir.

One Direction hla na ngai asilen hi Muslim pa in paisa a ngah dingih, cui paisa cu Israel le zumtu that nakah a feh lo ti zo in a rel thei. Kan zumtu that nak dingah ka paisa a feh ka siang lo.

(Visited 209 times, 1 visits today)

Comments

comments

Comments

%d bloggers like this: