Rualpi Tthat Awknak

January 21

Tlawngkai Nili

Rualpi Tthat Awknak

Siar:

Johan 15:9-17

Nannih tla cu hnen-um tiah ka lo ti nawn lo, ziangahtile hnen-um cun a bawipa ih tuahmi kha a thei lo. ‘Hnen-um’ ti nawn loin ‘Rualpi’ tiah ka lo ko: ziangahtile ka Pa hnen ihsin ka theihmi hmuahhmuah cu ka lo sim ttheh zo a si.        -Johan 15:15

Kumkhat Sung Baibal:

–   Suahlannak 1-3

–   Matthai 14:1-21

Ruat hnik aw – ram pakhat ah mikhual na si, na ton dah lomi le na thusim thei dah lotu mibur pakhat thawn nan ton-awk hnu  rei lote ah thusim an lo fial. Cuvek cu nan karlak ih dawnkhamtu pawl siatbal in rualremnak a um tik lawngah a cang theimi a si.

Discovery tikel, Jamaica ih mission team kan feh lai ah kan ra pok hlan ihsin  Jamaica ih pastor pakhat a si mi ka rual pa Dorant Brown in kawhhran pakhat ah khawm dingin i sim. Kan va thleng ih pastor Dorant Brown ih hmin ka sim veten cuih kawhhran in in rak hmuak,  thutawi sim in fial ih hleiah kan team khal hlasak in fial.

Dorant ih hmin ka saalmi in cuih kawhhran le kan team karlak ah rualremnak a suahter, ti’n ka ruat lo. Kan hrangah Jamaica rualpi pawl ih thinlung a ongtu cu kan seuh awkmi Rualpi le Rundamtu Jesuh Khrih a si, tiah ka ruat.

A theih mi Jesuh na theih ve ruangah cu tivek pehtlaihnak mi phatkhat thawn na nei dah maw? Jesuh cu kan hrangah a nunnak petu Rualpi a si (John.15:13) ih hlei ah  zumtu unau tampi in tuah saktu khal a si (1Peter 2:17).

Jesuh cu Rundamtu, Rualpi ttha, le a duhdawtnak thantar hnuai ah vanrang hnuai ih thinlung pawl pehzom awktertu a si.

Zumnak ih unau pawl, nan kut pehzom uh,

Ziang miphun nan si hmanah;

Faate vekin ka Pa nan rian ve a si ahcun,

Ka sungkhat unau nan si.

Khrih a naihtu pawl cu pakhat le pakhat an naih aw.

(Visited 21 times, 1 visits today)

Comments

comments

Comments

%d bloggers like this: