Rualpi Taktak


Šianglianuk Ķianghrol

A rualpi a phone ih, “Paisa ka ttul. Ka nu a dam lo ih a tuamhlawmnak ding paisa ka nei lo,” tiah a sim. A rualpi cun, “Awle, zing thlacam ka ttheh hnu ah i phone sal aw,” a ti.

Tawkfang ah a rualpi cu a phone sal nan a phone a rak phit. A phone sal rero nan a ngah lo ih a bei a dong. Curuangah rualpi dang hnenah bomnak a va dil hai. Asinan bawmtu ding a tong lo.

Beidong zet in inn ah a tlung. Inn ahcun a nui’ lukham kiangah siivai ret khawm mi dip pakhat a hmu. A nu cu a itthat.

A naupa a sut tikah a naupa in, “Na rualpi a ra ih a ttul mi siivai cazin a ra lak hnu ah a va lei. A suahsalnak a rei hrih lo,” tiah a sim.

A mithmai a hung pan siamsi nan, a mitthli a luang. Asinan lungawinak mitthli a si. Mitthli tla phah in a rualpi cu a va hawl sal. A va ton tikah, “Khuiah na rak feh? Ka lo phone rero nan na phone na phit ringring,” a ti.

Cutikah a rualpi cun, “Ka phone ka zuar ih na nui’ hrangah siivai ka lei,” tiah a rak sim.

Nang teh hivek rualpi ttha na si thei pei maw?

Cahram laknak: Laughter is the best Medicine facebook page.

(Visited 72 times, 1 visits today)

Comments

comments

Comments

%d bloggers like this: