Rualpi le Raal hrangah

August 26
Zarhpi Ni

Rualpi le Raal hrangah

Bible Siar Ding: Jonah 4:1-11

Cuti a si ahcun hih a nasazetmi Nineveh khua, kehlam kut le vorhlam kut hman a thleidang thiam hrih lotu minung thawng zakhat le thawng kul umnak le ttilva tla siar cawk lo umnak khua hi zaangfah loin maw ka um ding?
– Jonah 4:11

Kan duhdawtzet mi pawl parih zaangfah zawnruahnak thinlung neih cu a olsamtuk. Ka zuam awk reromi cu ka mi ngaih lemlo mi pawl hrangih zaangfah zawnruahnak thinlung neih ding hi a si. Curuangah si profet Jonah ih thu thawn ka pehpar awkternak san!

Pathian in Jonah cu Nineveh khua ah feh in sualsirnak thu sim le phuang dingah a fial. Jonah in hih thuhla tlunah harsatnak thu pahnih a nei. A pakhatnak ah, Nineveh khua cu Israel mi pawl parah nasazet in tisiatnak le tthat lonak tuah ringringtu Assyria ram ih khuapi a si. A pahnihnak ah, Jonah in Pathian cu zaangfah zawnruahnak thawn a khat mi a si ruangah Nineveh khua ih sualsirnak thu a tlang au asile an sual an sir aw saal dingih a zaangfah hngai ding ti a theih cia ruangah a si.

Jonah cun Pathian ih thupekmi cu ngai duh loin a lingtelet zawngih tlaansuahnak in a lehrul. Thungai te’n kan ti ahcun, anih cun a raal a simi minung pawl tamzet umnak Nineveh khua hnakin thingkung pakhat tlunah zawnruahnak a rak nei sawn a si.

Kannih zumtu Christian pawl tla kan duhdawtmi pawl parih zaangfah zawnruahnak neih cu a ol zia kan theihtuk ciomi le kan hmuh ringringmi a si ko na’n cumi cu kan colhsan thei cuang lo. Rom 5:10 in, a hlanah kannih cu Pathian ih raal kan rak si dah nain atu ahcun Jesuh Khrih ih thiisen ruangah Pathian in a rualpi ah in tuah zo timi thu in sim. Pathian in kan parih zaangfah zawnruahnak a neih bangin kannih in tla kan raal pawl parah cuvek thinlungput nei thei ve dingin in sawm a si.

Pathian ih zaangfah zawnruahnak cotu kan si taktak ahcun, cuih zaangfah zawnruahnak cu midang pawl hrangah hmang loin kanmai’ hrang lawngah kan kai ringring lo ding.

Bawipa Pathian, duhhrilmi nei in mi parih zawnruahnak ka neih ttheumi parah in ngaidam hram aw. Ka duhsak hleicemi an si lo hmanah a ttulzetmi pawl parah zaangfah zawnruahnak (compassion) nei thei dingin in bawm aw.

Tuni ahhin ziangti vekin keimah in raalsantu mi pakhatkhat hnenah zaangfah zawnruahnak (compassion) ka langter thei pei?

@ Ava Pennington

(Visited 23 times, 1 visits today)

Comments

comments

Comments

%d bloggers like this: