Rualpi Ih Tettikhannak

May 24

Nipi Ni

Rualpi Ih Tettikhannak

Siar:              1Johan 1:1-7

Hih nunnak cu hmuh theihmi ih a rung can tikah kannih in kan hmu. Curuangah cuih thu cu nan hnenah kan rel ih Pa thawn a ummi kumkhua nunnak, kan hnenih theihter a simi thu kha nan hnenah kan sim a si.    – 1Johan 1:2

Kumkhat Sung Baibal:

–   1Sansiarnak 22-24

–   Johan 8:28-59

Pulitzer Prize timi laksawng a ngahtu cangan thiam David Halberstam cu Korea ih US Raal timi a cabu hminthang suah hlan thla nga duh ah car accident in a thi. A rualpi cangantu pawl le a hnattuanpi pawl in amah ai-awh in a cabu cu an run suah. A cabu siar in amah hngilhlonak an tuah.

Mi pakhat ih sinak muril le thupitnak langter ding caan a thlen tikah rualpi hnakih thupi sawn an um lo. Jesuh Khrih a thawh ih van a kai hnu ah a dungthluntu pawl in midang hnenah a thu an sim. “Curuangah cuih thu cu nan hnenah kan rel ih Pa thawn a ummi kumkhua nunnak, kan hnenih theihter a simi thu kha nan hnenah kan sim a si (1John 1:2)” an ti. An tumtahmi cu mi in Pa Pathian le a  Fapa Jesuh Khrih  an theih theinak dingah a si (c. 3).

Khrih kan zumnak thu midang hnenih sim hi ttihnungza hnattuan le phurh-rit ih kan ruah caan tla a um thei men. Asinan amah ih in umpinak le in nehkhuhnak in kan nunnak a danglamtertu rualpi pakhat ih thu vekin midang hnenih kan sim tikah kan hmuh daan a danglam thei.

Khrih ih thuthangttha huham thawn a khahbik caan cu a rualpi pawl in tetti khan in an sim tikah a si.

Bawipa, mit thar thawn kan hmuh theinak ding in bawm aw,

Beidong mi hih leilung minung pawl hnenah;

Na duhdawtnak thlenter kan duh,

Ziang tluk na duh hngai timi sim dingah.

Khrih na duh deuhdeuh asile A thu na sim tam deuhdeuh ding.

(Visited 28 times, 1 visits today)

Comments

comments

Comments

%d bloggers like this: