Ruahsannak

July 19

Tlawngkai Nikhat 

Ruahsannak 

Siar:

Saam 23 

Maw Bawipa, ka ruahsannak cu Nangmah ah a um; Maw Bawipa, ka sentel lai ihsin Nangmah ka lo rinsan zo.    – Saam 71:5 

Kumkhat Sung Baibal:

–   Saam 23-25

–   Tirhthlah 21:18-40

 Hlanlai Jerusalem ihsin Jericho fehnak lamzin cu a fiakzet ih ttihnungza Judah nelrawn ramtthing khaam thukpi lakih fehmi lamzin a si. A hmin cu Wadi Kelt ti asinan a thimmi horkuam thuk a si thu David ih nganmi Saam 23 in a langter. Hih hmun hi ruahsannak biazai ttha phuahnak ding hrangah thapetu a si lemlo. Ram um daan a tthing reprep, zianghman um thei lonak le hmun hraapzet a si. Fifir damiah pawl siar lo midang pawl umnak ding ci a si lo.     

David in, “A thimmi thihnak horkuam sung zawh hman ningla maw Bawipa ka ttih lo ding,” tiih a ngan tikah thinphaannak le ttihnungza hmun ah a um ti a lang fiangter. Asinan a ttih lo. Pathian in thil ttha lo cu hlon sak in siatnak ihsin luatter dingah ruahsannak khal a nei lo. Pathian ih umpinak ruangah harnak sung khal ah ttih loin hnangam ih a um thu a rel sawn. Saam hlabu hmun dang khalah David in, “Bawipa cu ka ruahsannak a si,” a ti (Saam 71:5).     

Mi tampi in ruahsannak kan nei an ti, asinan an ruahsannak cu Jesuh Khrih a si lawngah a hmunmi ruahsannak taktak a si thei ding. Ruahsannak cu cahnak, fimnak le duhnungza kiangkap dinhmun ihsin a ra lo, Bawipa hnen lawngin a ra. Van le leilung sersiamtu a si bangin Amah lawng in thu in tiamkam thei ih A thukammi vekin a kimter thei.      – Julie Ackerman Link 

Kan cahnak le kan ruahsannak cu Bawipa ah a um,

Amai’ Ttongkam lawngah himnak kan ngah;

Tukforh harsatnak kan ton hmanah,

Amai’ kilvennak sungah kan um ti kan thei. – D De Haan 

Khristian hrangah ruahsannak cu a taktak a si,

Ziangahtile a hrampi cu Khrih a si ruangah.

 

(Visited 23 times, 1 visits today)

Comments

comments

Comments

%d bloggers like this: