Ruahnak Ih Tthih

June 21

Tlawngkai Nikhat

Ruahnak Ih Tthih

Siar:

Seem. 33:1-4

Sikhalsehla Esau in Jacob a hmuh tikah tong dingah a va tlan ih Jacob cu a kuah, a pom ih a hnam. An pahnih in an ttap tlang.  -Seem. 33:4

Kumkhat Sung Baibal:

–   Esther 3-5

–   Tirhthlah 5: 22-42

Kan dung naite thlatang tir ahkhan robin timi vate sendup phunkhat cu kan inn khan pakhat ih tukvirh (window) thlalang a ra do rero ttheu.

Robin vate phun ih thuhla ka zoihnit (research) tikah raalkap phun vate an si ti ka thei. Buu an tuah laifang ah anmah thawn a zuam aw mi robin vate dang pawl an tthawl ttheu. Kan tukvirh thlalang a ra dotu robin hi thlalang sungah amah ih muithlam a hmuh tikah vate dang pakhat si hmang tiah a ruat sual ih a do ciamcomi a rak si. Amah a tthihtu cu vate ngaingai si loin, a si hmang tiah a ruat sualmi men a si.

Thukam Hlun sungah Jacob cu amai’ thinlung ruahnak men ih a tthih (threat) thu kan hmu. A nolai ah a pa hnen ihsin a u Esau ih co dingmi thluasuah Jacob in a rak fir dah. Kum reipi hnu ih an ton awk saal tikah Jacob in a u Esau in i tuahmawh ding tiah a ruat ih remnak hrangah laksawng a hei kuat cia. Minung 400 thawn Esau a rat kha a hmuh tikah a lau nasa. Jacob cun a ra hmuaktu pawl kha amah ra dotu dingah a ruat sual. Sikhalsehla “Esau in Jacob a hmuh tikah tong dingah a va tlan ih Jacob cu a kuah, a pom ih a hnam. An pahnih in an ttap tlang” (Seem. 33:4).

Pakhat le pakhat pehtlaih awknak ah a caancaan cu kan ruat sual aw ttheu. Rualpi sinak kha in tthihtu ah ruat sual lo dingin Pathian hnenah theihthiamnak kan dil a ttul.   -Dennis Fisher

Rualpi hawl dingin ka suak vak,

Hmanseh cu tawk ah pakhat hman ka tong lo;

Rualpi si dingin cu tawk ah ka suak vak,

Hmun kipah rualpi an um.  – Payne

Raal a si hmang tiah na ruahnak men in ttih hlah,

rualpi thar tuah dingin Pathian rinsan aw.

(Visited 25 times, 1 visits today)

Comments

comments

Comments

%d bloggers like this: