Ruahnak Hnakih Thasawn

November 21

Zarhte Ni

 

Ruahnak Hnakih Thasawn

 

Siar:

Thuphuan 21:1-8

 

Asinan Ca Thianghlim in, “Milai zohman in an hmuh dah lomi, zohman in an theih dah lomi, A cangthei ding tiah zohman in an ruah dah lomi, cumi cekci cu Pathian in Amah duhdawtu hrangah a tumtahmi a si,” a ti.      -1 Korin. 2:9

 

Kumkhat Sung Baibal:

–   Ezkiel 16-17

–   James 3

 

Khristian Phunsang Tlawng ih zirhtu pakhat in, a tlawngta pawl in vanram cu  ningkhopza amah kel rinring a simi hmun a si ding tiah an ruat sual ti a theih tikah an khuaruahnak hninter dingah hitin thu a sut hngai:

      

-Zing na hung tthangh tikah na duhzet mi in nangmai’ na duh hnakin lo duh

  sawn in hmu sehla na duh maw?

-Na thawh tikah na rak duhzetmi hla aw nuamzet thei sehla na duh maw?

-Na thawh tikah Pacific tipithuanthum tongtu bangin theih-awk na duh maw?

-Mawhsualnak nei lo vekin ni thar ah hung tthangh na duh maw?

-Na sung muru tiang hmu aw thei in le na hmuhmi hmuahhmuah ah na

  lungkimzet sehla na duh maw?

-Na thawh tikah Pathian kha thli bangin hawp thei sehla na duh maw?

-Amah duh dingah duhdawtnak nei sehla na duh maw?

-Mi hmuahhmuah duhdawt thei na duh maw?

      

Tlawngta pawl cu an sayapa ih thusuhmi an theih tikah vanram cu hivek hnakih nasa sawn a hmun ringringmi hmun a si ahcun, cutawk ih um ding an duh ttheh.

           

Jesuh in, “Nan hrangah umnak rem dingah ka feh ding,” tiah a ti (John 14:2). Kan kumkhua inn sunglawi ding a si ti midang hlawm uhsi! Kaa ih sim theih lomi nomnak hmun le Bawipa Jesuh Khrih amah rori ih in umpinak ding hmun a si.

 

Vancung khua kan thlen tikah,

A sunglawi nomnak lomnak kan hmu ding,

Jesuh kan hmuh tikah,

Nehnak hla ringpi’n kan sak ding.

 

Leitlun nomnakbik cu vancung ih lungawinak thawn cu

tahtthim ding rual a si lo.

(Visited 28 times, 1 visits today)

Comments

comments

Comments

%d bloggers like this: