Romney In Sumpai Hawlah Obama Tluklo

WASHINGTON – US rampi hrilawknak ding hrangih zuamtu Republican ihsi Mitt Romney le a lamṭang pawl cun September thlasungah $170.5 million lenglo sumpai an hlawsuak zo. A sinan Obama le a lamṭang pawl ih kan dungthla ih an ngahmi zat hnakin malte a mal deuh lai.

Republican Party pawl in October thla ih lamṭang mipi hawlnak ding hrangih sumpai hman ding mi an kut sungah $ 191.2 million an nei zo. Obama le a lamṭang Democratic National Committee pawlkhal in kan dung thla ah $181 Million lai an hawlsuah thu an sim. Hi tluk ih tam hi US president hrilawknak ih sumpai hawlsuahmi thuanthu ah a rak um dah hrih lo.

Sumpai hawsuahnak lamah cun Obama le alamṭang cun an neh deuh ih a  zawnzawn ih thlathum sungah vei hnih rori an neh zo.

Ahmaisabiknak ih thucuhawk an neihnak ahcun Romney ih a neh deuh nan sumpai hawlsuahnak lamah cun Obama in a neh hrih lai. Romney le a lamṭang pawl cun hrilawknak ni taktak tiang nasaten kanzuam dingih nehnak co thei ding rori in kan zuam ding tiin an ti. Obama khalcun hi zuamawknak hi cu a ollo zet tiin a rak sim ve.

(Visited 125 times, 1 visits today)

Comments

comments

Comments

%d bloggers like this: