Rohingya Pawl Fa Pahnih Lawng Neih Siannak Suu Kyi In Dem

imagesKa ram ih hnam nauta tiih kawh mi Rohingya pawl parih fa pahnih lawng nei ding tiih dan an tuahsak mi cu Aung San Suu Kyi in minung covo bangran lonak a siih daan leng a si ti khal in a ti.

1994 ih a rak tuahsak mi hi daan hi Rakhine ih um Rohingya Muslim sakhua thluntu pawl hrang lawng ah a siih, a tak ih hman ti cu a rak um lo. Tu nai ah Maung Daw le Bu Thi Daung ah hi daan hi hmanthok dingin thusuah a um. Ziangvek cekci ih tuah ding ti cu theihfiang a silo.

Hi daan an tuahnak san cu Rahingya Muslims an pung vivo ding tiih phan hluanak ruangah a si. Mi  tamsawn Rohingya 800000 lenglo hi Rakhine ram ih hi khawpi pahnih an um tlang piih, buukthlam te ih um  mi an si deuh thluh. Hi pawl hi kan ram mi ah rampi acozah cun a  pom lo mi miphun pawl an si.

Hi miphun pawl hi United State cun kan ram nitlaknak thlanglam ih um miphun nauta leh hremtuar bik mi iphun an si ti khal in a hminsin hai mi an si. Kan ram acozah pi cun Bangladesh ihsin  ra vai lutmi Bengali pawl an si tiin a hminsin hai ve thung.

 

Comments

comments

Comments

%d bloggers like this: