Rohingya Buainak A Sosang Sinsin ; Mi 100000 Harsatnak Tuar

Kan ram Myanmar rampi ih a buaipi mi le tufang UNO tiangih an ngaihven mi, miphun phunkhat sicing siih umnak hmunhma neilo, Rohingya, Muslim pawl le Budhish pawl karlak ih buainak cu niam lam pan lo in a sosang sinsin. Ni 10 sung buai zonak ah mi 100000 lenglo vansang lam in an um tiin thuthang don a si.

Tlunvan ihsi leilung zuknak (satellite) ih a zuk dan ahcun ni 10 sungah Rohingya pawl ih umna khua 10 lenglo an urkangfaisak thluh ding tiah zum a si. An urkang mi ah inn 700 tluk a si ding an zum.

UN pawl ih an zum dan ahcun hi buainak ruangih Bangladesh ramriih tang Rohingya pawl hi mi 30000 lenglo an si ding an zum. August 25 tiang ih harnak tuar Rohingya, beunak hawl le harsatuar mi 73000 an um titla in a hminsin.

Tui an buai reronak hmun bik cu Rakhine ramkulh nitlaknak lam ah a luar hleicebik. An buainak bik cu sakhuanak thu ih remawklonak le rammin sinak pek an silo mi thu pawl a si.

2016 ah nasa ngai tein an rak buai ih Rohingya miphun 85000 lenglo pawl Bangladesh ram an rak tlan suak dah zo. Bangladesh pawl in hi Muslim sakhua biaknak a kaihngettu Rohingya pawl hi a ram mi ah a cohlang thei velo ih, umhmun le humhimnak khal a pelo. 2012 ihsin Kan ram Myanmar sung khalah buainak na menlo neiin an buai thok.

Myanmar rampi khalin Rohingya pawl cu Myanmar ram mi sinak a pe cuanglo. Hitiih rammi sinak neilo veve dinhmun ih an um ruangah umnak ding mumal neiloin Myanmar le Bangladesh ramri tlang le tiva kap pawlah an um.

– Agencies

(Visited 157 times, 1 visits today)

Comments

comments

Comments

%d bloggers like this: