Rock Siangpahrang Solomon Menrihai Thawn Camkhat

Rock Siangpahrang Solomon Menrihai Thawn Camkhat


CT: Tu hrawng cangvaihnak na neih mi in sim thei pei maw?
SLM: Si, tulai cu Kawl hla VCD ka tuah rero laifang a si. DVD in tla kan suah tum. Kan theh zikte thlang.

CT: Cumi cu love song maw gospel song?
SLM: Love song a si. A title cu Kuat-lat ti a si.

CT: Hlaphuahtupawl teh zopawl an si?
SLM: A ngantu cu kan tam hnuaihni. In duhsaktu rualpipawl an si. Sim theh le cu an tam tukih.. a rak suak tik le in rak ngaisak leh uhla, in rak zohsak uhla, in rak duhsak uh ti kha ka lo sawm duh.

CT: Sunmang dang na neih mipawl teh in sim siang pei maw?
SLM: Sunmang cu ka nei tam zetih, ka zuam rero lai mi a si. Ziangkhalole a thabik dingin ka zuam rero lai ti lawng ka sim thei hrih ding.

CT: Tui ‘Kuat-lat’ ih hlapawl hi Rock thotho maw an si?
SLM: Aw.. mi nih cu Menrihai style in ti ih maw.. keimah style te kha a si ko.

CT: Ziangtik hrawngah a suak thei ding?
SLM: Amm.. sim a theih hrih lo. Duhsaktu an um le cu a suak thei cing ding ti hrawng a si. Kei tla ka zuam reroih..

CT: Cule Lai hlapawl teh saksal na tum maw?
SLM: Aa.. Lai hla hih.. khatlamah cun ttong duh sehla a sau nawn dingih.. Lai hla hrangah hin sponsor hi tha tukin kan nei thei loih, lehhnu cun Lai hla tla hi a suak thei nawn lo tla a si men thei! Cutin a si pang ding ti tla hi phan a um zet. Ziangkhalle kannih cun kan zuam rero ko.

CT: Interview pakhat ahkhan Laitlang na um hnu cu hla tla tampi na phuah thei phah tin kan rak thei. Hla phuah bet mi na nei thei maw?
SLM: Si, hla cu ka nei nasa.

CT: Lai hla lawnglawng maw na phuah?
SLM: Aaa.. Lai hla tla Kawl tla malte tla ..

CT: Copy teh na ngan maw?
SLM: Copy hi ka ngan paih phah nan, ka ngan loah a cang… tu tiang cu.

CT: Hla phuah tikah tongfang tampi a tul sikhaw, ziangvekin tongfang na hawl theu?
SLM: Kei ka hrangah cun ka kiangkappawl hi ka hla an si mai. Ka hmuhton mipawl thawn.

CT: Na hmuhton mi le na feeling pawl kha hlafangih ngansuah na tum tikah kan tongfangin a daih lo can tivek teh na tong theu maw?
SLM: Kan Laitong ah tongfang tampi a um ih, cumi khal hawlsuah ding a thupi. Laica ah tongfang tampi a um ko.

CT: Hlafang mawite te hi khui ihsin na rak ngah theu?
SLM: Kei cun ka thiam lo, rualpi duhsaktupawl ruangah a si. ‘Lairam na dam maw’ tivek, le ‘I seherh duh hlah’ tvp.. a tampi. Rualpi duhsaknak ruangah a si. Kei cun tampi ka zuam vivo lai a tul.

CT: Ram dang hla a lar cia mipawl hi copy in sak bang awla, hlawhtlin a ol deuh pei maw? Hnam dang cuvek tuah tla an um tikah..
SLM: Si, khavek sakpawl kha ka upat zet ko. A tha ko. Asinan kei cun cuvek tuah ding cun cutlukin ka ngam lo. Ziangahtile amah original hrimhrimah a that zo tikah kha kannih nih cu anmah vek tlukin cun kan sak thei lo ding ti a fiang cuh. Copy saktupawl hi ka upat ko nan kei cun ka tum deuh hrih lo. Kei cu rock style rori kha ka tumtah mi a si.

CT: Tuini tiang Rock Siangpahrang tohkham ihsin na ttum hrih loih, na tohkham lo long theitu ding awm-ang teh an suak zo tin na hmu maw?
SLM: Rock Siangpahrang ti cu keimah ten ka pekawk mi a si loih, mipi duhsaknak ruangah a si. Tohkham long thei ding tivek cu si loin kha.. khavek an suak thei ding mi kha ka duhsak sawn mi a si. Khatlamah cun hlasak hi kan um ve hnuaihni thlangih, an suak leh ko ding tiah ruahsannak ka nei.

CT: Tui na thlennak siangpahrang dinhmun hi ziangtivekin kilhim vivo na tum?
SLM: Awnmawi khawvel hrangah hin a thabik in kan zuam reroih.. kei khal ka zuam rero ko.

CT: Vocalist pakhat hin music instrument pakhat tal a tum thiam a tul maw?
SLM: Tum thiam sehla ti tikah, professional vek rorin kan tuam thiam lo hmanah a beat te tal cu dik zetin thiam thei sehla ka duhsak.

CT: Kan hlapawl hi, hla thar a suak ti a si nan zianghman a thar lo an ti theu. A thuhla siseh, a music siseh, zianghman a thar lo, a kel lawnglawng titupawl hnenah ziang na sim duh?-

– Kan hlapawl hi ziangruangah an bangaw theh?
SLM: Si, a thar hi cu tuah thei zuam ding a si ko.

CT:  Ziangtin kan lo contact thei ding?

SLM: Aa.. kei hi ‘Tlawng Cin’ vek ka si.. ka tlawng reroih.. hahaa.. Falam ah ka um ti theih cu ka si ko. Pu Ral Sai Lo innpi ah ka umbik. Cule ka email: solomonmrh@gmail.com khalin in pehtlaih thei ko.

Facebook a lut paih tla an um le cu ‘Solomon MRH’ thotho. Kimcang in: https://www.facebook.com/solomonmrh.mrh ah zuk dangdang pawl tla zoh theih in a um ringring a si.

CT: Na mipipawl in email lo kuat sehla na reply kem? Zuk lo diltu tvk teh na pe kem?


SLM: Aaa.. email cu ka reply ko ding. In duhsaktu an si tikah lungawi thu tla ka sim ding. Sinan zuk cu.. ka hmel hi mipi ka hmaisong deuh ih maw.. haha.. cunah ka zuk cu mi ka pe tuk lo.

CT: Concert ah mipi na neh tuk cuangnak san na thuthup hi ziang a si pei?
SLM: Mipi ka neh ti si loin mipi’n in duhsak ih, kei tla mipi hrangah a thabik in ka zuam ve ih.. curuangah tla a si men thei.

Kannih cu mipi hrangih nung mi kan si. Mipi hi in cawmtu a si.

CT: Ram dang na rak fehnak pawl tla theih kan duh zet.
SLM: Laimi hi kan rak fim vivo thlangih, duh tla in duhsak ih, in sersiamtu Pathian zarah America, Norway, Denmark, Germany, Malaysia le Aizawl pawlah hla ka rak sak zo.

CT: Ram dang na feh hlanih na ruahdan le na va thlen hnuih an rak lo cangcawidan hi a taanaw maw?
SLM: Mipi in in duhsak ve ih, cule kan zuamnak tete parah tha in pe zet. Ka zum hnakin in rak welcome nasaih ka lungawi zet. A sunglawi tuk. Lungawi lawlaw male..

CT: A tu ih na sam style hi a danglam theh ih, himi parah tumtahnak dang na nei maw?
SLM: A tu ka buaipi mi Kawl hla hi, Kawl lakah cun mithar kan si tikah in thei hrih loih, sam sau tuk tivek hi khatlamah cun censor tla ruah a tul ih curuangah a si.

CT: Na aw hi special rorin a tha tih, hivekih aw tha dingin le a sang ban dingin ahleiceih tuah mi na nei maw?
SLM: Minung cu computer kan si lo tikah exercise tuah ringring a tul tin kei cun ka thei. Sunglam tha cak dingin tlan hi a thupibik mi a si.

CT: Na kiangkapah hin a lo uartu fala tampi an um dingih, cumi lakah tluse lo dingin ziangvekin na kilvengaw?
SLM: Falapawl hin in duhsak tuk tikah cuvekih tluse ding khop cun in duhsak lo. Kan tluksiat lonak dingah anmah sawnin duhsak zetin in control sawn theu. Cuvekih tluse dingin zohmanin in duhsak lo. Khatlamah nupi fate ka nei zo ti mi kha an thei ve ih, anmah khal an fel hrimhrimih, keimah in tla ka rinsan ve hai nasa… in duhsak ngaingaitu an si tiah.

CT: Rap le Hip Hop parih na feeling teh?

SLM: Kei cu ka nauhak te lai ihsin music a rak duhtu ka si tikah Rap khal Hip Hap khal ka duh ko. Asinan kei cu Rocker ka si tikah keimah cun ka sam lemlo. Uar cu ka uar ko.

CT: Chin calai teh na siar theu maw?
SLM: Aa.. ca cu siar a tul mi si ual. Kan Laica sinsin tla cu kan siar loah ziangtin…

CT: CT lengtu le hi na interview a rak siartu mipi pawl hnenah ziang na sim duh?
SLM: Ka lungawi nasa, hivekin interview in tuahsak ihTu hi Kawl hla ka tuah rero, hi Kawl hla hi CD in ka rak suah zo mi a si. Keimah tawkten ka rak zuam rero ih, 2005 in hla ka rak suah zo.

Kum 10  ka rak zuam hnuih ka rak suah thei mi a si. Tui kan tuah rero mi VCD khal hi duhsaknak thawn in rak leisak uhla, in rak ngaisak, in rak zohsak uh. Tha in rak pek cio uh ti mi kha ka sawm duh.

A netabikih mipi theihter ka duh mi cu ‘Rock Will Never Die’! Rock cu ziangtikhmanah a thi dah lo ding. Curuangah mipi hrangah tla Solomon hi ziangtikhmanah thi dah lo dingih ka duh mi a si. Ka lungawi.

Interview hmaisa : http://chinlandtoday.info/hmaiton-thusuhnak/solomon-mrh-le-ct/

(Visited 321 times, 1 visits today)

Comments

comments

20 Comments

  1. hehehehh

  2. Siar a nuam zet. Na zuamnak parah Pathian in hlawhtlinnak lope hram seh…

  3. Zodai Zilthli says:

    Rock lam ih, Chinmi mikeuh tertu pakhat na si vekin, na zuamnak parah duhsaknak ka lo hlan.

  4. Lai hla hrangah hin sponsor hi tha tukin kan nei thei loih, lehhnu cun Lai hla tla hi a suak thei nawn lo tla a si men thei! Cutin a si pang ding ti tla hi phan a um zet.

    A DIK TUK LAWLAW.
    LAI HLA TLA HI A SUAK THEI NAWN LO TLA A SI MEN THEI!!!!!!!!!!!!!!!!!!!!

  5. Kan tong, kan calai le kan chin miphn cawisang tu na si kan lungawi ee.
    Sponsor tha na nei lo cu, kanmai mawh a si, in ngaithiam hram aw…….
    Na tha nau hlah pathian thawn kan zuam cun ziang hmuah2 kan ti thei si.

  6. Ke re heu,

    Solomon Mang Tin Sawn rori hman Interview thaten a answer thiam thlang sisi.
    Kan Laimi kan thangso vivo a si hi,a lungawi um riai.

    Nuncan tha te le duh tlo zet le fel ten um vivo hram law.
    Pa Pathian in lam lo hruai seh.

  7. Solomon menrihai na van a tha ka lo na sa. Ziang ah ti len Chin ROCK siangpahrang ti lo in ROCK siangpahrang tin an lo ti mi khi a si. Leitlun ih ROCK siangpahrang vek ah na cang thlang. Asi na zuam ah cun na cang thei tho tho ding..!!!:)

  8. Angela Van Sui Bawih says:

    Solomon khal, BJ khal an aw a tha zet.
    Asinan an nun ziaza a tha lo tuk mi hi a poi tuk.
    Zuin le mi hrokhrawl an hlawhlting dah lem lo.
    Laimi mi cungcuang kan neih mi pawl hi an nun ziaza a poi thei tuk.

  9. Khaw Vel Thang…

    Na cangan hmaisatlar siar a nuamlo bakah, thazang ngah nak a um lo. Nangmah khal zianghman na si cuca lo ti a lang tir. Thazang pek nak ah khavek ca mipi in kan siar paih mi a si lo…
    Minung famkim kan umlo, kan famkimlo nak kha theithiampi aw sawn ding a si…

  10. Angela Van Sui Bawih says:

    Si ngai. Mi pakhat ih sinak cekci sim tikah ngai a nuam lo zet men ding.
    Thazaang pek ringring hi a tha zet nan, sawisel awknak khal in nun can remawknak a suahter sawn tla a si mah na…
    Kei cu zianghman ka si lo lawlaw, cu vekin keimah khal ka hmin a thang lo bawk…
    “Minung famkim kan um lo nan, famkim lo tukih um hi a tha cuanglo”.

    BJ ih sumpai mi bummi le bakmi (kanmah telin) ka simfiang a si ahcun a poi zet ding. Na theihfiang lomi parah daiteih na um le a tha sawn mahmah ding…
    Hminsin : Zianghman ka si hrimhrim lo, cu vekin zo ka si ti na theih ahcun KA CA NGAN DUHNAK SAN HI NA THEI VUARVI DING

  11. Mah tla zoh awk phah a tha mi sawisel ringring pawl thinlung tha an tam lemlo laimi lak ah falam mi hi cawisan awk thiam lo bik kan si ding kan fim khur a tul.

  12. Angela,

    Na nganmi le na nganlo mi pawl tiang ka thei tuk. Ziangah tile, Solomon le BJ cu ka upa ih fa, an si. BJ thuhla kan rello nan, in thei ruangah na rak ngan nak san a si ko ding tin ka ruat. An nuncang khal, ziangvek an si ti ka thei. Ka sim duhmi sawn cu, khavek thu le hla kha, mi va sim ciamco khalawla, an unau hrangah siseh, mipi hrangah tthathnem nak a um lo. An famkimlo tukmi sung ihsin, “talent” an neimi an hlasak thiamnak kha upat thiam a ttha.

    Ka fa le an si ruangah silovin, Laimi zate lakah, an unau tlukih awttha an um hrihlo. Aw ttha lamah, cun # 1 an si. Hlasak thiam tampi khal nungcang tthalo le fiknungza an tampi. Asinan, midang ih neih thei velomi, an thiamnak kha kan upat thiam a ttha. Keimah an pa ih ka duhdan ah tla cu, mizohtthimtlak in an nuncang ziaza ah lang sehla cu saduhthah a si. Zumtu na sile, an unau hrangah thla napi rak cam sak ve aw tiah zangfah ka lo dil. Cumi an cang thei suak hrihlonan, an hlasakthiam nak le, Laimi, abikin Falam ttawng hmang pawl lakih, hivek milar kan neih hi mi vanttha kan si. Lungawi……….

  13. Angela Van Sui Bawih says:

    Dear Piang,

    Comment a si ruangah thianghlim zetin ka comment.
    Ka sawisel hrimhrim lo ti’n ka sim hmaisa duh.
    Ka sim duh bikmi sawn cu:
    “Kan milar neihmi pawl cawntlak nun an neih ka beisei tuk thu so khaw”.

    Tha ka pe ringring…….

  14. lungawi um nasa..angela leibaa ka lo nei pang le in sim aw…

  15. Piangte

    Na comment mi pawl hi ka rak siar theu. CT ah comment tampi a um celcel ih ka siar theu. Comment silo in Soiselnak an ngan theu.

    Kei ka ruahnak ve ahcun mi pakhat ih a mizia cu ziangvek a si khalah a thiamnak cu kan upa ding a si tiin ka ruat. Si zahtlaklo tuk an si khalah kan tluk lole kan bang thei lo mi thiamnak an nei ti hngilh lo a tha.

    MRH le BJ tlacu ka fale in an duh tuk ih an mizia ziangvek khal sisehla ramleng, ram cangkang ahcun khavek kha an rak uar sawn lam.. A mak tuk. Mizia ruangah an thiamnak an ngaisan lo phah cuanglo.

    MRH le BJ hi hlasak thiam le awtha bik 1 nak ka pek veve mi an si.. Zuam Sin Sin uh….

  16. ram le miphun mawi ter tu solomon menrihai ih
    hmaitonnak siar hi cu thin di a riam tuk
    na fehnak lamtluan ah ziangkim ah
    na miphun pi ti lungawi ter tu na si zo vek in
    tuhnu khal ah hlawhtling ten pathian in lam lo hruai vivo hram seh

  17. mahpa solomom ho kan mah laimi hakha thantlang zong nih kan uar tuk ve hna i nan vcd kan rak zoh lengmang ve keimah ko nih solomon cu ka uar tuk

  18. Na hla hmaisa bik pawl…zuam rero mi ka thazang yivek pawl kha youtube ah kan ngai thei pei maw???

  19. Thiamnak le larnak men hi upat ding a si lo!

    Mipi ih za ah za lawm an duh le felfaiten nung hai seh!

    Na Comment mi kan rem… ED-

Comments

%d bloggers like this: