Ro Sunglawi

August 17
Tlawngkai Ninga

Ro Sunglawi

Bible Siar Ding: Daanpeksalnak 6:4-9

Kan lungawinak kim seh, tiah hih ca hi nan hnenah kan ngan a si. 1 Johan 1:4

Na hnu ih a rung nungtu ding – na fanu le na fapa pawl, na tunu le na tupa pawl, na tesin fapar tthangthar nonawn pawl, na tlawngta pawl le na rualpi pawl hrangah ziangmi ro si na roh ta hngai ding? Ro thu kan ruahrel tikah, sumsaw le thilri neihmi pawl lawng khi kan ruat men thei. Kan rundamnak thuanthu ruangzingtu le ngantu Pathian cun ro danglam deuh new generation hrangah roh ta ding in duhsak a si.

Amah in kan nunnak sungih A thuanthu a ngankhum vekin cuih kan nun thuanthu cu midang pawl, ahleice in kan tesin fapar pawl, thaisun le hmailam ih kan thuanthu run pehzomtu ding pawl hnenah tla hlawm sin vingvo ding in duhsak. Moses nunnak ihsin Pathian in A mi Israel pawl cu himi hi ziangti’n si an tuah ding timi thu a sim fiang.

Midang hnenih kan hlawm hlanah, Pathian cu kan nunram in fiang te’n a theih hmaisa ta a ttul ih kan thinlung sungah ziangmi ca si a ngan timi kan theih a ttul. Cumi cu midang kan sim dingih, ziang kan si timi le ziang kan tuah timi tla ro kan roh ta ding.

Moses nun ihsin kan zir dingmi tahtthimnak thu pali pawl cu: inn ih kan um tikah siseh, lenglam kan suahvah tikah siseh, kan ih tikah siseh, kan hung tthangh tikah siseh zingtiklai caan khal ah kan fanau pawl Pathian Thu kan simzirh ringring a ttul.

Himi hin kan nunnak pumhlum a huap thluh. Pathian in kan hrangah ziangmi in tuahsak timi kan fahniang pawl in an hngilh lonak dingah ca in kan ngankhum ta a ttul.

Pathian cun kan nun thuanthu a nganlai rero a si. Kannih ih ttuanvo cu midang va sim sin vingvo ding, A Fapa Jesuh ih thu le A duhdawtnak thu cu kan nehhnu ih a rung nungtu ding pawl hnenah ro sunglawi kan rohta vingvo a ttul.

Bawipa, ka nunnak thuanthu thar na nganmi ro ih taanta thei dingin in bawm aw. Cuti’n Na duhdawtnak le na rin-umnak cu Jesuh Khrih ihsin midang pawl in an run zir thei vingvo ding.

Pathian in zo thawn si ka thuanthu hlawm aw ding in duhsak?
Tuni ah cumi cu ziangti’n si hram ka thok thei ding?

@ Ava Pennington

(Visited 36 times, 1 visits today)

Comments

comments

Comments

%d bloggers like this: