Ro Sunglawi Hleice

March 14

Nipi Ni

Ro Sunglawi Hleice

Siar:

Rom 8:12-17

Pathian in Jesuh Khrih thawngin a fa le ah in canter ding cu a lungawi zawng le a duh zawng in rem a rak ruat cia a si.    -Efesa 1:5

Kumkhat Sung Baibal:

–   Daanpeksaalnak 23-25

–   Marka 14:1-26

Forever Young: My Friendship with John F. Kennedy, Jr. timi cabu sungah Billy Noonnan in President John Kennedy ih fapa thawn an kom awklai thu a ngan.

1980 kum ah John Jr. le Billy cu USS John F. Kennedy vanzam phurtu tinbaw sungah leng dingin an sawm. An pahnih le lamhruai hngaitu pa cu luh ngam lonak hmun pakhat ah an va lut ngah. Bawi pakhat in a rak kham hngai tikah lamhmuhtu pa in John kha a khih ih, “Himi tinbaw hi a pa ih taa a si,” a ti tikah a rak kham hngaitu bawipa cun John cu upatnak a pek. US Navy tinbaw pi cu minung pakhat ih hmin bun a si ih hmin putu pa ih taa vekah ruah a si. Curuangah tinbaw hmin putu pa ih fapa John cu hi tinbaw ah covo ttha a nei.

Hih thu in thlaraulam thu feh daan in khihhmuh. Pathian ih innsang mi kan si hnu cun Pathian ih fa sitheinak kan nei. Paul in  zumtu cu Pathian in Jesuh Khrih thawngin a fale ah in canter dingah  a rem ruat ciami a si (Efe. 1:5). Fa si theinak ka neih ruangah siangpahrang hmuahhmuah ih siangpahrang fa sinak ro sunglawi hleice kan nei.

Kan nunnak suk le so khualtlawnnak ahhin kan Pa (Rom. 8:15) cu lawng neitu a si ruangah thathozet in um uh. Khrih ruangah ro cotu kan si zo ruangah Pathian cu thangtthat uh.

Pathian lennak cu kan ngah dingmi a si,

Jesuh Khrih Bawipa ruangah;

Amah thawn ro co tlangtu ding kan si,

Amah ih thu vekin.

Khristian pakhat ih ro comi cu kumkhua in a hmun.

(Visited 27 times, 1 visits today)

Comments

comments

Comments

%d bloggers like this: