Ro Cotu

 

 

June 5 

Tlawngkai Ninga

 

Ro Cotu

 

Siar:

Kolose 3:1-11

 

Nan sungih hna a ttuantu leilung pumsa duhnak: nupa sualnak le zoh mawi lo nuncan, taksa hiarnak le hamttamnak pawl cu nunter nawn hlah uh. – Kolose 3:5

 

Kumkhat Sung Baibal:

   2Sansiarnak 23-24

   Johan 15

 

Khuahlan Rom siangpahrang pawl in fimnak le tlinnak neitu pawl cu anmai’ dinhmun pehzomtu dingah ro cotu ah an cawm ttheu. Tahtthimnak ah, Juliet Czar in a tupa Augustus Czar a cawm. Siangpahrang hminthang Tiberius, Trajon pawl tla rocotu dingih laak mi an si ih a cawmtu an pa le pawl vekin mi nasa le mi hminthang ah an hung cang.

 

Zumtu khristian zate hi siangpahrang ih Siangpahrang sin (King of kings) a simi Pathian ih rocotu ding kan si. Bawipa ih mit-hmai ttha ngah ding le a zaangfahnak sam thei dingin ttuanvo tumpi kan nei. Pathian cu ziangkim neitu a si ruangah kannih ih peknak hi a ttulmi cu a si lo.

 

Bawipa ih a duhmi cu ziang sipei? Pathian fahniang pawl hrangah tthahnem santlai ih kan nun ding hi a si. Pathian faa sinak thawn a tlak aw lomi mizia le nun daan pawl cu kan hrial in kan hlon pei (Kol.3:5). Duhhamnak, le zianghman lo ih nun ai in, Pathian duhdawtnak thei in a hrangah man neizet ih nungtu si kan zuam pei. Zawnruahnak, zaangfah thinpemnak, tangdornak, thinneemnak le thinsaunak pawl cu hnipuan bangin hruk dingah (c.12) Paul in in forhfial.

 

Na kiangkap mi pawl in, Pathian ih faa a si an lo ti thei pei maw? Na nunnak ah na hlon dingmi, na ken dingmi pawl thei dingah Thlarau Thianghlim hnenah dil aw. Cuticun Pathian ih rocotu na sinak kha tlingtlakzet in na nunpi thei ding.

 

Ka suah thlakin misual le tthat lonak lamzin thlun in ka rak vakvai,

Hmanseh sui lukhum khum in le puanfual sin in na inn sungah i umter;

Na ro cotu dingah ka hmin cu ngankhum in a um zo.

 

Pathian cu ka Pa tiih kawh le Pathian fahniang bangih nun cu

Pathian hmin thanternak le sunlawiternak a si.

(Visited 53 times, 1 visits today)

Comments

comments

Comments

%d bloggers like this: