Ro Comi pawl

January 21

Tlawngkai Nikhat

 

Ro Comi pawl

 

Bible Siar Ding: Tirh. 20:24-32

 

Atu cu Pathian ih kilkhawinak le a zaangfahnak thu sungah ka lo ap zo. Amah in a lo tthansoter dingih a minung pawl hrangih a ret ciami thluasuahnak kha a lo pe ding.

–         Tirh. 20:32

 

Sungkhat unau kungkaizet le nai awzet mi ih in thihsan caan ah riah a sia theizet. Ninghannak a rohtertubik cu a thupituk lemlomi rothucah (wills) le rothil (inheritances) zem awknak in a thlunmi khi a si. Taansanmi fate pawl le a sungkhat unau pawl ih thinlung khuaruahnak cu taansantu mithi hnen ihsin a thilri neihmi le ro a rohtaami pawl kha kanmah hi co ding tlak hrimhrim kan si sawn tivek ih ruah awk le cuh awk caan a thleng ttheu.

Tirhthlah Paul in Efesa kawhhran sungih hruaitu pawl kha an hnenih ummi zirhtu sual pawl in an milai pawl an tthentthekter lawng si loin kumkhua ro sunglawi co dingmi an lo hnaihnok ding timi raalrinnak a pek hngai.

Paul ih raalrinnak pekmi pawl hi tuni kan hrangah tla a dik thei lai. Zirhtu dik lo pawl in minung tampi cu Jesuh Khrih sung ihsin Pathian in kumkhua ro sunglawi co dingih in timtuah sakmi thawn in hlat awkter thei. Cumi vek ciahnehnak ihsin kan khawm awk thei ding lawng si loin midang pawl ziangti’n kan ciahneh thei ding timi hi kan raalrin ding a thupi ve a si.

Pathian ih zaangfahnak le A Thu parih kan hngatsan tikah, kannih – ciahnehmi pawl – cu kan hrangih timtuah ciami Pathian ih kumkhua a hmunmi ro sunglawi cosangtu si dingin tuah tthat kan si ding.

 

Thianghlim Bawipa, Na zaangfahnak le Na Thu nung parah hngatsan thei lo dingin in tuahtu pehtlaihnak pawl, zirhtu pawl le ciahnehtu pawl hnen ihsin in humhim hram aw.

Zo pawl in in ciahnehbik? Zo si ka ciahneh thei ve?

 

@Ava Pennington

Comments

comments

Comments

%d bloggers like this: