Rinnak le Ciinkennak

February 1
Tlawngkai Nithum

Rinnak le Ciinkennak

Ziangahtile anmah ih an rak theih vekin kannih khal in Thuthangtha cu kan thei zo. Sikhalsehla Thuthangtha an theihmi cu an hrangah zianghman tthathnemnak a um lo, ziangahtile a theih lawng an thei ih zumnak thawn an pom duh lo.
– Hebru 4:2

Bible Siar Ding: Saam 119:41-50; Luke 22:15-20

Jesuh ih ttongkam pawl cu nunnak an si – ziangtik hmanah a menmen in ruat hrimhrim hlah. Na zum asile na nunnak sungah a cangvai, hna a ttuan ti na thei ding. Pathian Ttongkam cu huham thawn a khat; rinnak in a khat a si. Pathian Ttongkam cu lo theih loin a thupituk. Zumnak cu Pathian Ttongkam kan theihnak ihsin saktuah le langter a si. Duhdawtmi zumtu, Bible cu dai te’n siseh, awsuak in siseh siar tengteng aw, ziangahtile Jesuh in, “zokhal ka ttongkam a theitu” (John 5:24) cu nunnak pek an si ding,” a ti.

Ca Thianghlim ih simmi thu pawl hi ngai hnik: “Hih Lantak Zaanriah hi harsatnak ka tuar hlanah nanmah thawn ei tlang dingah ka duhzetmi a si” (Luke 22:15); “A tikcu a thleng zo! Zoh uh! Mi Fapa cu misual pawl kut sungah pek a si ding hi! (Mark 14:41). A hramthok ihsin hivek tikcu caan timi hi a rak um dah lo. Hih ttongkam hi Jesuh ih simmi thu pawl lakah a nasabikmi ttongkam an si: “A tikcu a thleng zo.”

Tikcu caan cu a kim ttheh ih thiisen ih khuhmi thlarau nun neitu hmuahhmuah hrangah kumkhua timmi hram a thok. Cuih tikcu hlan ahcun milai cu thi dingin an nung men, asinan raithawinak nung tuah a si hnu ahcun kumkhua nunnak timi hram a thok a si. Thiisen ih khuhmi nunnak cu mi menmen sinak ihsin Bawipa thawn pehzomtu kumkhua mi ah a cang. Thihnak ai ah vanlam nunnak in hmun a luah zo a si.

Na nunnak sungah Thlarau Thianghlim ih luahkhatnak le umpinak in thlengh awknak taktak a um hlan sungah lungkim tawk men hlah. Pathian sungah na nun pumhlum dolh thluh a silai hlan lo diriam in um hrimhrim hlah.

Bible thu nganmi cabu tampi an um. Asinan Bible rori siar awla Bawipa in ziang thu a sim timi ngai ttha aw. Cuti’n hnin theih lomi hramthuk na bun thei ding, ziangahtile kannih cu a siat thei lomi Pathian Ttongkam ih hrinmi kan si (1Peter 1:23). Kan zumnak ih hrambunnak ding a olzet le a fiangzetmi Thu kan ttul ih cumi in fekzet le tthawn theih nawn lonak hmun ah in thlenter ding. Ziangtluk ih a nungmi Thu so a si!

Bawipa in thinglamtah parah ningzah mualphonak tuar tiangin nangmah a lo duhdawt hi na hmu thiam maw? (Heb. 12:2).

Kannih hi kan rinnak hnakin kan ttha sawn lo.

@ Smith Wigglesworth

(Visited 22 times, 1 visits today)

Comments

comments

Comments

%d bloggers like this: