Rihanna In Pathian A Thangțhat

Rihanna
FîBï Mãté
A rak ti țheumi a si ih, committed Christian a si le si lo cu thuhran ret sehla, Twitter ah Rihanna in Pathian a Thangțhat ciamco ih, Roc Nation label hnuai ih a album suah cam a thlen ruangah a si.

Rihanna in Twitter-ah ‘Pathian hmin sung sin seh’ ti’n a status ah a ngan. A album suah hmaisabik ihsin kum 9nak tiang hruai thlengtu a si ruangah lungawi thu a sim.  Hlan ihsin Rihanna in Pathian thu malte tivek in a status ah a rak tar țheu. Tuikum khal ah Bible cang a tar ih, July thla ah Jesuh in mit caw a damter thu a ngan leh. Hitawk ah Marka 9:28 thu tla a ngan tel.

A thuam-awk dan a rapthlak zet nan, Kristian a sinak cu a tar ringring ih, Kristian ka si ti’n a rel aw țheu UK thuthang ca ih Glamour an biaknak ah khal Pathian hi a ret thupibik ih, ziangkim ah cahnak a hmu ih, a hlawhtlinnak khal Bawipai’ țhatnak ruangah a si, a ti.

“Kanmah bulpak ah Pathian thawn kan peh tleih awknak hi minung kan si sungah a thupibik le, kan theih ringring ding a thupi a si,” ti’n Rihanna cun a sim.

Comments

comments

Comments

%d bloggers like this: