Rih Zin Le Surbungtlang Vanzam Tumtual Tuah Fel Dingin Sobul Cum Zo: Chin MP

11150185_857517950972994_4542761880820253861_n

Surbungtlang An Tuan Zo Mi

 

Chin ramkulh ih vanzam tumtual saknak ding thu ah acozah in March thlah ah nemhngetnak sobul an cum zo. Rih zin khal tuahthat bet vivo dingin nemhnget a siih sumpai khal thlaksak a si zo tiin Chin State, Falam Peng nitlaknak lam bial ihsi hril mi Amyothahluatdaw palai MP Loui Zung Hlei Thang cun a sim.

‘Pittawngsh hluat daw in March 30, 2015 ah Surbungtlang vanzam tumtual sak ding lungkimnak cu sobul talin a nemhnget zo ih sumhman ding zat khal kyat 1000 million, pe ding lungkimnak a nemhnet zo’ tiin a sim thu Pu Kap Thio, CCUSA hotu cun Rihli ah a tarlang.

Falam peng thansohnak ding hrang ih an hmalaknak pawl relnak a neiih cumi lakah Lungpi Saihphuzi tikpan tlawng khal sak rero lai a si thu khal a sim tel. Chin MP cun, Falam – Rih zinpi remnak ding le peng 7 katttaza ih phahnak ding hrang , 2015-2016 hrang sumhman ding khal a pek zo titla in a sim.

Hi thu hi April 26 zan ih Maryland (DC Area) Falam peng upa pawl thawi an tonawknak ih a rel mi a si. MP Louis Zung Hlei Thang le Myanmar MP 12 pawl cu USA acozah ih sawmnak thawn USA ram ukawkdan le hruai kaiawk dan pawl Myanmar rampi hrang hmasawnnak a neih theinak ding ruahsannak thawi an sawm mi an siih Myanmar MP 7, Taing ditahci MP 2 le Civil Society Organization ihsin mi 3 pawl tla an tel.#

(Visited 606 times, 1 visits today)

Comments

comments

Comments

%d bloggers like this: