Riantu Dingih Kawh

November 24

Tlawngkai Nihnih

 

Riantu Dingih Kawh

 

Siar:

Mark 10:35-45

 

Ziangahtile Mi Fapa hman hi rianmi si loin mi riantu si dingah le mi tampi tlen dingah a nunnak pe dingin a ra a si,” tiah a ti.  – Mark 10:45

 

Kumkhat Sung Baibal:

–   Ezkiel 22-23

–   1 Peter 1

 

George W. Bush cu American President a ttuanlai ah sim cia loin ramdang ih hnattuantu raalkap pawl hnenah Lungawithusim Ni (Thanksgiving Day) ah zaanriah do hngai dingin a feh. Thuthang laaktu pakhat in, “President in atu le atu rawl mi an do lemlo ruangah mi hrekkhat cun an rawl ei loin ciinken ringring dingmi laksawng ah an ret men ding,” tiah a ti.

      

Rammi pawl ih hrilmi ram uktu bawi pawl cu mipi riantu an si. Curuangah an hnattuannak thu pawl hi nikhat sungih thuthang thupibik cu a si lo.

      

Mi tampi cun thinlung takin midang hrangah hnattuan an duh nain mi tthenkhat ih hnattuan cu a ngaingai te’n kan ti asile mah le mah rian-awk, mai’ hrang hlawknak ih hnattuan an si. Himi hi Jesuh ih A dungthluntu pawl training a peklai caan khalah a rak si ve. Dungthlun pawl in Jesuh ih dungthlun hi mi langsar le mi maksak cannak dingah an ruat.

      

Jesuh in, “Leitlun ram uktu pawl cu an ukmi pawl kha an lal hnawh ih an hotu pawl tla cu thu an nei nasa ti cu nan thei. Asinan nannih lak ahcun hi bangtuk cun a si lo pei. Nanmah lakah pakhat in a tumbik si a duh ahcun nan zate riantu a si pei. Nanmah lakah pakhatnak si a duhtu cun nan zate ih sal a si pei,” tiah a ti (Mark 10:42-44).

           

Mi kaihhruai daan zirnak hmun ah vei ziangziat hman kan kai khal le hruaitu ttha cu riantu ttha an si hmaisa ding.

 

Hruaitu dik cun duhdawtnak in mi an hruai ih,

Tangdor in Bawipa an rian;

An nunnak ah thlarau rah an rah ding,

A Thu an karhzaiter ding.

 

Hruaitu ttha cu riantu ttha a si.

(Visited 17 times, 1 visits today)

Comments

comments

Comments

%d bloggers like this: