Riahsiatza Tthen Awknak

February 26

Tlawngkai Nili

Riahsiatza Tthen Awknak

Siar: Malakhi 2:10-16

Zokhal siseh a nupi hnenih thukamnak a tuah vekin kimter seh, zohman in a thukammi cu bal hlah seh. – Malakhi 2:15

Kumkhat Sung Baibal:          Mipum. 15-16           Marka 6:1-29

Web-cam ih an hmuhmi thuanthu cawn (drama) pakhat ah a duhdaw aw zetmi muvanlai nupa cu an tthen aw. Faate tampi a rak nei zomi an si ih tthal caan a thlen zikah tii an tit saal. Culaifangah muvanlai nunau note in a ra pan hngai. An pa in, cu nu a helh rerolai ah an nu cu a tlan hlo ih a taansanmi tii sungih an faate khal an thi ttheh.

Internet ih thunuam relnak ah cuih muvanlai nupa a duhdawtu pawl cu an thin a tthia thluh. Thingkung le ramsa nunnak theitu pawl in milai nunnak le vate nunnak cu tthim ding a si lo tiah an sim. Asinain mi tampi in an tahtthim thotho. Kan zate in a tthen awmi nupa te kom aw saal dingin kan duhsak thluh. Mi hmuahhmuah in innsang cu Pathian ih tuahmi a thianghlimmi a si tiah kan thei thluh a bang.

Cuti vekin an riahsiatnak an rellai ah, milai innsang an tthen awk tikah Pathian khal hi vekin a tuar a si ti an thei pei maw? tiin ka ruat. Keimah khal ziangah so muvanlai nupa te tthen awk ruangah milai innsang tthen awk hnakin ka riah a sia sawn? A fiangmi cu co-u (priority) ka pekmi pawl zoh saal ka ttul ti ka thei.

Malakhi 2 ah tthit-umnak parih Pathian ih hmuh daan kan hmu. A minung Israel pawl thawn thukam a tuahmi hminsinnak a si (c. 11). Amah in thupizet in a ruat, kannih khal in thupizet ih ruat ve ding kan si.

                                                          Ruah saal ding

 Malakhi 2:11 sungih “tuksumza thil sual” timi cu ziang a si?

Ziangtivek a si? Ziangti’n Malakhi 2:15 hi Seemtirnak 2:24 ih

awkhawk a si? Ziangruangah himi a thupi?  (Malakhi 2:15-16)

 

Nan tthit-umnak hngetter na duh le Jesuh kha a pakhatnak ah ret aw.

Comments

comments

Comments

%d bloggers like this: