Ri Tthenmi Kaan Aw

November 15

Tlawngkai Nikhat

Ri Tthenmi Kaan Aw

Siar:

Marka 2:13-17

Cuih hnu ah Jesuh cu Levi inn ah rawl a ei. Siahkhong le misual tiih hnonmi tampi in Jesuh cu an thlun ih cu pawl tthenkhat cu Jesuh le a dungthluntu pawl thawn rawl an ei tlang.    – Marka 2:15

Kumkhat Sung Baibal:

–   Ezekiel 1-2

–   Hebru 11:1-19

Mi hnaihnok hmang mino pahnih in Germany ram khuapi sungih a cawl lawkmi missionary pawl ih bus car cu buaipi dingin an hei naih.

Missionary pawl cu Khrih ih thuthangttha phuansuah theinak dingah mi pawl kha lakphakti le sang zem dingin an timlam aw. Luruh zuk cuangmi angki hruk mino pahnih cun missionary pawl cu hnaihnok le buaipi an tum.

Asinan misual pahnih ih an ruah vekin missionary pawl cun an rak lehrul ve lo. Mit-hmai pante in an rak cohlang ih Pathian thu an relpi. Mangbangza a simi cu cute pahnih cu thuthangttha ngai in cuih hmun ah reipi an um ve. Pakhat cu a cuih ni rori ah Jesuh Khrih a zum. A dang pakhat cun a thaisun ah a piangthar.

Tlangval pahnih cu German mi an si ih missionary pawl cu American mi an si.  An nun daan a hlat awzet.  Tlangval pahnih cu thihnak le thimnak nun daan lakih tlangleng mi an si ih missionary pawl cu tleunak kuattu an si. Miphun le nunphung thleidannak um lo duhdawtnak thawn ramri-tthen an kaan suak.

Na kiangkap ih um minung pawl zohhliah hnik aw. Ziangtivekin nun daan bang aw lomi pawl hnenah rinhlelh ding um lo duhdawtnak na langter thei ding? Jesuh ih duhdawtnak ah ramri tthen a um lo. Thuthangttha theihter hngai dingin ziangti’n rii-tthen kaan in na bawm hngai thei ding?

Rikhammi kaan in nunphung dang sungah Khrih kenglut aw.    – Dave Branon

Nunphung rii-tthen kaan dingah,

Kan ngaihsak taktakzia langter in duhdawtnak thawn;

Veikhat sangka kaupi a ong hnu cun,

Khrih ih rundamnak thuthangttha kan sim thei. – Sper

Khrih ih thu kan phuanmi cu

a thimmi leilung hrangah tleunak a si.

Comments

comments

Comments

%d bloggers like this: