Rev. Ring Lian Thang Interview

12000069_1015709365140716_1310416306_n

CT: : A hmaisa in na hminpi, na nu le pa, na suahnak khua le nupi fanau,tui na hnatuan le umnak hmun in sim thei pei maw?

RLT: : Ka pa Bawi Hrim,Ka nu Hai Tawl, ka hmin Ring Lian Thang a siih Kalay Township Sadaw ah ka suak.Pathian in in kilkhawitu dingah le inn sang nu dingah Ngun Ken Cuai in pe ih fapa 2 fanu 1 kan nei. Tu-ah Presbyterian Church – Vengpi Hmunthan ah Bialtu Pastor ka tuan.

CT: : Pathian thu zirnak ih na ke kar dan?

RLT: : Graduate in Theology ( GTH ) Bachelor of Theology ( B.Th ) Master of Ministry (M.min)

CT: : Pathian hnatuan hi ziangtik in n arak thawk?, kum ziat na tuan zo?

RLT: : Pathian hna ti tikah kum 20 ka ti in ka tlin tawk in Kawhhran cangvaihnak ah ka tel. March 1, 1991 in ka umnak Presbyterian Church of Myanmar ah Pastor ka tuan thawk. Tui kum in Pastor kum 24 sung ka lut.

CT: : Presbyterian of Myanmar ( PCM ) ah General Secretary hna na tuan dah ti kan theiih zaingtik kum in ziangtik kum tiang na rak tuan ?

RLT: : 27 April 2011- 17 April 2015 ( Term 2 )kum 4 sung

CT: : Presbyterian Church of Myanmar sungah Synod ziang hmuah an um?, ziangvek an si ti in sim thei pei maw?

RLT: : Presbyterian Church of Myanmar ( PCM ) General Assembly hnuai ah Synod 9 a um. Cui pawl cu Falam Synod, (Falam Tawng hmang) Matu ram Synod ( Matu Tawng hmang )Victoria Synod ( Dai – Mindat tawng hmang ) Phai Synod ( Mizo tawng hmang )Chin Synod ( Falam tawng hmang )Lairam Synod ( Hualngo tawng hmang ) Tedim Synod ( tedim tawng hmang ) Zo Synod ( Zo tawng hmang) tla an si.

CT: : PCM Ram sung ram leng thawn hna nan tuan tlang nasa zet a bangih ram sung ram leng tuanpi ( partner ) pawlkom zo vek thawn hna nan tuan tlang ?

RLT: : PCM hi khua le ram thansohnak le Pathian Thuthangtha karhzxai dingih hnatuan khawmnak ah theitawp tan la in a taunt Kawhhran pakhat a si in ka ruat. Ram sung ah ram then dinhmun ih mah le kawhhran cio in an pehcih mi tuan khawmnak ih hlei ah rampum huao ( Natianal level ) Pawlkom-ah Myanmar Council of Churches ( MCC ), Myanmar Bible Society, Association for Theological Educatian in Myanmar ( ATEM ) Ram leng Pawlkom ( Internatianal level )ah Council for World Mission ( CWM ) World Communion Reformed Churches ( WCRC ) Christian Counference of Asia ( CCA )Associatian for Theologilcal Eucation in South East Asia ( ATEM )

Tuanpi Kawhhran ( Partner Church ) Ireland Presbyterian Church, United Reformed Church London, Presbyterian Church ( USA )The Church of Scotland, Wells Presbyterian Church, Presbyterian Church of Aotearoa, New Zealand Presbyterian, Church of the Republic of korea, Presbyterian of Singapore, Presbyterian of Taiwan, Gereja Presbyterian Church Malaysia, Hong Kong Christian Church of Christ, Mizoram OPresbyterian Church Synod.

Hiang kawhhran pawl thawnKawlram sung Pathian thuthangtha karhzainak ding ( Mission out reach ) fimzirnak, Kawtlang nun thansoh ternak training phun dangdang kan tuah tlang.

CT: : Tui tum USA na rat the hi zaing tuah ding bik in na ra?, Zo in an lo ko.

RLT : :Chin Presbyterian Church of USA in a nual Khawmpi a vawi 3 nak May 23-24, 2015 Atlanta hmanpi dingin in sawm ruangah ka ra. Cui hlei ah khawmpi in duhsak zet ih khua in khan sak vek in State dangdang ih Chin Presbyterian Chuah, Chin Community, Falam Baptist Church Pawl thawn Pathian biak khawmnak can tha ka ngah ih Programe in tuah saktu, in cohlangtu kawhhran le Community parah ka lungawi zet.Tikcu can ka neih mal ruangahState hrekkhat ih sawmnak ah ka feh remcang thei lo ih pawi ka ti.

CT: : Ramhleng na suak tam zet an lo tiih, vawiziat na suak zian ti in na suak?

RLT: : Kawhhran phun dangdang ah vawi 23 ( travel Documment – passport in ) ram leng ka feh. Pastor ka tuan kum zat ruah cun a tam tuk lo men thei.

CT: : Presbyterian Church of Myanmar ( PCM ) hnuaiah Board le Department ziangzat a um, Zaing an si?

RLT: : Presbyterian Church of Myanmar ( PCM ) ah Board 3, Theological education Board, Assembly Mission Board,Childer Development Borad le Department 2, Healing Department,Communication Department a um.

CT: : Presbyterian Church of Myanmar ( PCM ) in Mission field ziangzat a nei?

RLT: : Presbyterian Church of Myanmar in Myanmar ram sungah Mission Field 5 a nei.

CT: : Kan Chin calai lamah na pe aw zet ti kan thei ih calai lam tyuan khawmnak ah zaingvek in na tel?.

RLT : : Calai lam ah thei kau ka si lo nan, Chin calai Seminar, workshop, consultion ah tikcu can ka neih tawk le ka tlin tawk cun ka tel ve. Calai tuankhawmnak ah Chin Literature Forum ( CLF ) ah ka tel.

CT: : Cabu suah mi le ngan mi ziang vek na nei?

RLT: : Chin Synod fialnak vek in bu 2, Jahan 1, 2, 3 simfiangnak le Thlarau Thianghlim Hnatuan ka ngan.

CT: :Ramleng um Lai mi ziang vek in nah mu, Ziang kan tla sam in nah mu?

RLT: : Leitlun ram dangdang ih um kan laimi/ Chin miphun in Pathian thu kan duh zet in ka hmu ihhnatuan khal ah theitawip in tan kan la in ka hmu. A khat lamah tuankhawmnak le pumkhat-awknak lamah tan lak cu a tul in a lang.

CT: : Ramleng ih um Laimi/Chin mi hrangah thu cah duh mi na nei maw?

RLT : : Leitlun hmun kip ih um Laimi/ Chin mi in leitlun ram hmuahhmuah le a sungih um hmuahhmuah hi Pathian ta a siti hnget zet in pawm she la,Pathian tihzahnak thawn kan hnam nun mawiunau, innsang, rualpi le miphun duhdawtnak,thenthek-awknak si lo in pumkhat-awknak lungput nei in kan hna le tuanvo ciar ah thei tawp suah cio seh la ti hi ka saduhthah a si.

CT: : Saya pa hi vek in na can sunglawi zet in pek ruangah kan lungawi zet.

RLT: : Kei khal ka lungawi.

(Visited 595 times, 1 visits today)

Comments

comments

Comments

%d bloggers like this: