Rev. Dr. Hre Kio Chin Siangbawi Tiih Kawh A Theihlonak Tiih Ka Ruahnak

Salai Van Bawi LianRev. Dr. Hre Kio

Rev. Dr. Hre Kio hi kan Chin mi Arsi a silo titu cu kan um ka zum lo. Asinan a hmin kan kawhnak le kan upatnak ih a sinak kan pek mi ih kan kawh dan thu an tarlang mi pawl ihsi ka ruahnak mallai te rawn tarlang ve in..

• Chin ram hi Baptist biaknak pawlkom hnuai ih um mi asilo ruangah Baptist pawl ih timi hi Chin mi hmuahhmuah hrang ih timi tiih pom theih a silo. Member nei malbik biaknak pawlkom pakhat thawn an thiltuah mi Chin ram a cozah hrangah a bangaw.

• Dr tivek thaw cun tahthim ding a silo Ziangah tile khawvel pumhuap ih theihpi mi sinak dinhmun a si.

• Rev. Dr. Hre Kio hi FBA le LBA pawl ih Siangbawi tiih an kawh mi tiih a ti duhtu in ti ding a siko buainak a um lo.

• Chin Siangbawi, Falam Siangbawi tinguingonak ding point cekci kei cun ka hmu lo. A tuahthat mi cu zohthimtlak le cawimawi tlak a siih Falam mipawl ih kan upat tlak rori a si ti cun ka ti ve.

• Baptist pawl in Reverence, Pastor, Nauhak Sunday School zirhtu le thildang kawhnak tampi an neiih cumi pawl khal Chin Pastor, Chin reverence, lole Falam Pastor tivek ih kawh a sidah cuanglo. Cumi thawn khal thuhmun an si.

• Chin Siang bawi tiih tithei ding cun Chin miphun huap ih pek a sinak lawngin a um theiding mi a si. Falam pumhuap a si ding khal a sile Falam pumhuap khaikhawmtu ih a tilawngah a si thei ding.

• Cuti asilo ahcun Baptist biaknak pawl in an mai tuah mi cu Falam pumhuap cangvaihnak, lole Chin pumhuap khaikhawmtu kan si tiih an tiawknak thawn a dannak a um lo tinak a si.

Htiih ka ti ka ngan ruangah Baptist ka do tinak silo in ka ruah dan ih thu um dan ka khaikhinnak men a si sawn..

(Visited 617 times, 1 visits today)

Comments

comments

One Comment

  1. Baptist na do le do lo ah kha cu k buai lem lo ih..,
    Baptist na do ah cun Baptist mi nung na si lo ti nak si mei ih.
    SiangBawi a si thei nak point cu k lo sim dg aw,thil dang tam pi lak ah,
    FALAM tong in BIBLE in neih ter tu a si. A ropi tawk
    ko lo sawm? BIBLE ngai na tul lem lo mi hrang ah cu a ro pit nak um lem lo men thei ngai hkw…

Comments

%d bloggers like this: