Rev.Dr. Edward Kyon Bill A Nung Sal

Sen Ro Sang | Bangalore

Chin miphun lakah Laimi pawlin Pathian Thu le Calai lamih kan Pabik a si tiih rel hlawh ringring Rev. Dr. Edward Kyon Bill cu 2010 kum Tualbawm(June)thla ni 21 ah leilung in cemsan zo nan a kutsuak cabu Baibal a leh mi “Nunnak Thukham Thar” dung lamih Bible Concordance le Bible Dictionary ceem Baibal Beet tiih a ngan mi BAIBAL THEIHKAUHNAK (Bible Knowledge) ti mi hmin bun in a tupa Pastor Armstrong Biak Sin Bill (M.Th) in a bu in a suahsal ruangah Rev. Dr. Edward Kyon Bill A Nungsal ka tinak a si.

Pastor Armstrong Biak Sin Bill hi Rev. Dr. Edward Kyon Bill ih fanu upabik Judy Hrang Tin Tlem ih fapa upabik a si. Bangalore Christian Church Pastor le Bangalore Chin Christian Fellowship ih President a si fawn.

A suahsemnak pu ih kutsuak sulhnu phorhsuak in a pu Sunlawihnak le kan Laimi Pathian thu Baibal theihnak ih kan t’hanso theinak ding ruahsannak thawn a bu ih a suah hi kan vannei taktak. Hih cabu hin Rev. Dr. EDward Kyon Bill ih Pathian thu Baibal a theih thukzia, kan t’ong cangthlak le t’ongkauseh a thiamzia a langfiang zet.
Hih cabu hi cahmai 270 a um ih Rs.100/- in Bangalore ah zuar a si. A sung thu ah:-
1) Baibal sungih sirhsan mi t’ongfang 49 sullam simfiangnak
2) Baibal ramih miphun 36 pawl thuhla
3) Baibal sungah zo cu zo a si? Mi hminthang 383 pawl thuhla
4) Baibal sungih khua le ram hmin 326 thuhla
5) Baibal sungih thlacamtu pawl
6) Kan Bawipa ih thilmak zungumza tuah mi pawl
7) Dungthluntu(aposol) pawlih thuhla tawi
8) Kan Bawipa ih taht’himthu
9) Kan Bawipa ih thuzirh mi
10)Messiah thu an sim sung cia mi Jisuh Khrih parih a kimnak
11) Baibal sungih theih hiarza  le mangbangthlak thilmak
12)Runhimnak ih hrampi
13)Runhimnak ih sullam
14) Runhimnak ih a rah mi
15) Runhimnak ih hlawkzia
16) Pathian biakpek ih sullam
17) Amah betu pawl
18) Pathian biakzia phunphun
19) Khrih ih Kawhhran
20) Hmai lam le lehhnu thu pawl tawi famkim zetih ngan a si.
Hih cabu a lei ih thei ding ko ih thungaithlak ih a siartu cu Pathian thu Baibal theihnakah a t’hangso tengteng ding. Curuangah hih cabu hi Laimi umnak khaw tin, Kawhhran tin le innsang tin hnenah thleng kim in Laimi innsang tin in lei in siar cio hai sehla ka va duhsak tak em!!
Hih cabu lei duh simaw, cah duh simaw, a thuhla theifiang duhtu in a tang lam ih tarlang mi email le phone number ah nan contact thei.
Pastor Armstrong Biak Sin Bill
Email ID:     arms_ billstrong@yahoo.com
                         priscillanunmawi@gmail.com
Phone number 91-080-41152738
                       09980719848; 09980999848

 

(Visited 189 times, 1 visits today)

Comments

comments

Comments

%d bloggers like this: