Republic Day Ih India President Thucah Simmi Ah Pakistan Ralrinnak Pe

eeNEW DELHI : January 26, 2013 ih India ram pumpi ih Republic day lawmnak ah, India ram pumpi ah cun hlunghlai zet ih hman asi. Delhi ih hi mi hmannak hmun ah cun, India ram in missile a tuahmi cu mipi hmuhtheih in pholangnak khal an nei. President Pranab Mukherjee cun thucah asim ih, cutawk ih a simnak ah cun, “Kan dungzarh ah, India le Pakistan cun kapaw nawnlo ding in rualremnak tuah asi.

Ram hnih in pehtlaihawknak tha le rualthatawknak thawn a tuantlang vivo ding hi Indsia ih duhmi cu asi. Asinan, hi rualthatawknak hi cantha ah hmang in, Pakistan a cangvai pang asi ah cun, India khal a ummen lo ding” ti in asim asi. Missile an pholangmi cu Agni V Missile ti in a hmin an pe ih, km 5,000 kap theimi asi.

Hi an tuahmi hi, India le Pakistan ramri ih buiainak hrang ih an tuah mi deuh cu asi. Hi Missile hi Beijing tiang kap thei ih tuahmi khal asi. China le India hi 1962 ah ramri ah an rak kap aw dah ve.

Comments

comments

Comments

%d bloggers like this: