Remnak Tuah

July 24
Tlawngkai Nihnih

Remnak Tuah

Bible Siar Ding: Luke 12:49-53

Leilung tlun ahhin remnak a run keng tiah mawsi in ruat? – Luke 12:51

Remnak kilkhawitu (Peacekeeper) maw remnak tuahtu (peacemaker) na si?

Remnak kilkhawitu pawl cun ziangtiklai caan khalah buainak an hrial ringirng. An thuken (motto) cu, “Long hninter hlah aw (Don’t rock the boat)” ti a si. Remnak tuahtu pawl cun remter saalnaklam an hmuitin ih an thupommi cu a harhdammi buainak cu remter saalnak umter thei dingah lo theih lo ih a ttulmi a si, an ti.

Jesuh cu remnak tuahtu a si. Anih cun remdaihnak kilkhawi hnakin remdaihnak tuah hi a ngaihtuah sawn. Leitlun a tlanlenlai ah – le a thihnak ah – a hmuitinbikmi cu Pathian le minung karlak ih remdaihnak umter saal ding lawng hi a si. Sihmansehla a thusimmi hrekkhat tla cu remdaihnak umter dinglam a bang lo nasa.

Jesuh in a theih fiangmi cu remdaihnak taktak (real peace) cun buainak hi ziangsiar loin a um lo timi hi a si. Thlangam daihnak diktak cun buainak a suahtertu thuhrampi cu a hmuitin ih cumi kha hlo viarviarter ding a tumtah a si. Kan hrangah Pathian thawn rualremter saalnak dingah, Jesuh in buainak hrampi a simi sualnak (sin) kha a netabik le a ttihnung raapthlakbik thinglamtah lamzin hmangin a cemter a si.

Jesuh Khrih ih dungthluntu (disciple) kan sinak ah mipi ih an theih duhmi maw kan sim ding asilole an theih ttulmi? A si, kan sim le kan tuah tikah ttihzah upatnak le duhdawtnak taktak thawn simrel le tuah ding kan si. Thubuai um lo dingih hrial cu thil olte a si men thei, asinan Yahweh Shalom cun lamzin olsam zawhtu dingah in ko lo. Remdaihnak tuahtu si dingah in ko sawn a a si.

Yahweh Shalom, Na raal a simi hih leitlun khawvelmi hnenah Na remdaihnak thu sim ngam dingin in bawm aw.

Pathian ih remdaihnak thu sim ding ka hrial a si ahcun pehtlaihnak ka neihmi pawl hi ziangvek an si pei?

@ Ava Pennington

(Visited 20 times, 1 visits today)

Comments

comments

Comments

%d bloggers like this: