Rem Tthat Saalnak

November 24

Tlawngkai Nithum

Rem Tthat Saalnak

Siar:

Luka 7:11-23

Sikhalsehla ka thu a ngaitu nannih pawl hrang ahcun ka mi runnak huham nan parah ni bangin a tlang dingih ni tleu in harhdamnak a pek vekin nan parah damnak a thlenter ding. Malachi 4:2

Kumkhat Sung Baibal:

–   Ezekiel 22-23

–   1 Peter 1

Lungawi thusim zaanriah ei khawmnak puai pakhat ah innsang mi pawl cabuai kimvel ih an to khawm daan ka zoh ih lungkimzet in ka hni. Ziangahtile khatlam kap ah siibawi pawl (doctors) hlir, a khatlam kap ah awnmawi thiam pawl (musicians) hlir an to. Milai taksa harhdamnak dingah tthazet ih hnattuantu siibawi pawl parah kan lung a awizet ih kan thinharnak damter in kan thinlung in nuamtertu awnmawi thiam pawl parah tla kan lung a awizet fawn.

An thiamnak cu phun dangdang a si ko na’n siibawi le awnmawi thiam pawl ih an hngatsan vevemi cu thil pakhat – mawite le thiangte in remrualzet ih thil um daan khi a si. Tuah daan (order) um lo cun zianghman sim cia theih a si lo ding, simcia theinak um lo cun awnmawi le sii tla a um thei lo ding.

Natnak cu thil pakhatkhat a si daan ding vekin a si nawn lo ti hmuhsaknak a si. Damternak cu Pathian in thil zate ahlan ih an si daan vekin a rem tthat saalnak langternak a si (Tirh. 3:21). Johan in Jesuh kha “A ralai dingmi pa” a si maw si lo theih a duh thu an sim tikah Jesuh in, “Feh uhla Johan va sim uh … mitcaw in khua an hmu saal, kebai pawl an feh thei, miphaar pawl an thianghlim, hnaset in thu an thei, mithi pawl an tho saal, mifarah pawl in thuthangttha an thei” tiah a ti (Luke 7:20-22) a ti. Damnak cu Jesuh hi rundamtu Messiah a si theih fiangternak in a si (Mal. 4:2).

Kan thinlung damtertu awnmawi thiam pawl le kan taksa damtertu siibawi pawl parah ka lungawi. Ziangahtile kan taksa pumhlum harhdamnak ding remttha saal theitu cu Jesuh Khrih lawng a sizia in theihter.

Leitlun hrangah ziang beiseinak na nei?

Milai hrangah ziang ruahsan ding a um?

Jesuh Khrih sungin leilung cu rem tthat saal in a um,

A sungah Pathian ih tumtahnak kan hmu. – D. De. Haan

Jesuh in rem tthat saalnak hna ahleice in a ttuan.

(Visited 19 times, 1 visits today)

Comments

comments

Comments

%d bloggers like this: