Refugee Pawlin Lairam an tlansan a si maw???

“Lairam ka duhdaw titu le Lairam duhdawtnak thu reltu pawl in Lairam an tlansan” ti tongkam hi nan thei ve cio ding ka zum. Lairam ( Chin State) tlan santu kan ti ahcun Kalay myone le Tamu myone ih um Laimi hmuah hmuah le Yangon le Kawlram hmun tin ih um Laimi pawl teh Lairam an tlansan maw ti thusuh ding a um. “Tlansan” kan ti tikah ruah ding tam pi a um. Tah thimnak pakhat thungai ka tarlang duh. Cicai khua Mino Pawlkom ( CMP) kum 25 kim Silver Jubilee an tuah ah Cicai khua in vai zo tu Pu Lian Cung Nung le a naupa Pu Tuan Ceu in an Jubilee rawl an dar. Pu Tuan Cung Nung tei unau in Cicai khua an tlansan maw? Cicai khuami pawl in the In tlansan an ti kem?
Kan sim zo vekin Lairam ( Chin State) ih umlo Laimi pawl in Lairam an tlansan kan ti thei kem? Refugee pawlteh Lairam an tlansan kan ti thei cuang kem? Inn sungih RULHRENG a um ahcun  mi cuk hmang, thihthei nak a si ti theitu pawl cun inn ihsin an suak lawk ding ih rulhreng a suah hnu ( a um nawn lo hnu) cun inn luah sal can tla a um leh lo ding sawm? Refugee pawl in Lairam an tlansan silo in Kawl Ralkap Uknak an tlansan sawn a si lo maw! Lairam kan tinan Laimi pawl uktu siloin Ukmi kan si sung ahcun Lairam ti ih mi sal ih tan feufeu hi a dik bik a si ce pei maw?
Zoso Lairam hrang `hansonak tuahtu? Zoso Lairam siatsuahtu ti tla hi kan cek a tul ding. Chin State ih um pawl in Lairam an duhdaw cuang maw? Lairam thansonak dingah an tang ngaingai maw? Ram leng um pawl in teh an thansoter maw, an siatsuah sawn saw? Lairam tupi pawl a kolhtertu teh zoso? ti tla hi na ruat dah maw? Lairam duhdaw cingin ram leng ih umtu pawl in Lairam an tlansan kan ti thei ngai pei maw?
Thus 2:  sungah Ziang hmuahhmuah hrangah can a um a timi kha ka von ruat. Israel pawl khal an ram midang  ih an rak uk ruangah an thendarh aw thluh can a rak um ih mahte ukawk theinak can a ra thlen tikah hmun tin kim in kirsal ih ram dinsal can a um. Kan Laimi pawl hrang khal ah tu hi kan thendarh awk can a si ih kirsal ih ram dinsal can tla a um leh ko ding. Ram sung ram leeng vuaivai aw lo in Laimi kan zaten kan umnak hmun tin in kan tang tlang ding ih Lairam a harhdamnak dingah zuam tlang ding a thupi sawn.Neh 2:18 ih “Tho in dinsal uhsih”ti ih Laimi pawl ih Lairam kan dinsal ih kan ukawk thei can hngakhlap zetin…!!!

Falam Times siar duh tu in a hnuai ta khi hmet cuk ci…

Hmet cukci

(Visited 56 times, 1 visits today)

Comments

comments

6 Comments

  1. Dam SuanThang says:

    Ruah ding tampi na run ngan suak i lungawi um nasa… Laimi kan buai pi ding tlak khal asi hrim ko. Malte ruah bet ding ka run tarlang bet,,, um har phen ah..

    Lai Pacang pai Inn sungah RULHRENG a lut i a fanau le suah san in a tlan suak ti bang sehla…Iinn leng ah hriam hrei pa khat khat hawl in RULHRENG kha a dawi lo pei maw? Inn sung i atan ta mi a fanau pawl kha RULHRENG in a cuk ding si khawh…. Tu ni ah lai tlang i kan tansan mi kan farnu maw, kan fanu maw, kan nupi pawl maw khi RULHRENG (Ralkap) pawl in nitin ten an cuk rero si khaw… ziang tin kan run ke? An nat nak pawl khi Dollar nih a dam ter thei ngai ngai ke maw?

    Pakhat leh ah… Pakhat pa hin kan Inn sung ah RULHRENG a lut ti in khaw dang ah va tlan in bawm nak dil in va um ta bang sehla…… Cun, Mi dang an Inn i RUL lut ve lo a khawpi pawl khal in khui khui maw i RUL thicia te tal maw va hawl in an Inn sung ah ret tahrat in kan nih khal kan Inn ah RULHRENG a um ve tiin khaw dang ah tlan in bawm nak va dil ciam co bang sehla….Kha khua pawl kha mipi in zing tin an hmu ke?

  2. H.Sui Lian Mang says:

    Rulhreng thah thei cu kan duh bik mi a si. Kan thah thei lo ruangah poi ticingin hmun dang ih thawnawk lawk a tul. Pacang tha ka si ti ih cahnak, hriamhrei, thiamnak nei lo ih rulhreng thah tum mai cun thih ding lo bak kan hrangah ngah ding a um lo. Pathian ih remruat caan a kim tikah rulhreng cu a thih lo hmanah a tlan suak caan a thleng leh ding. Cuih caan ah hmun tinkim in Laimi kan tlung khawm leh ding ih kan umnak cio ih kan thiam mi suah tlang in Lairam a ding tha leh ding.

    Cangantu

  3. Dam SuanThang says:

    Pacang tha ti i kan upat mi pawl cu khua le ram hrang I thi ngam tu pawl khi kan ti si lo sawm, ka theih so lo ah cun??? Kei cun Salai Ram Ling Hmung, Pu Cin Sian Thang le Pu Do Thawng ti vek pawl maw khi an si ding ka ti….Ziang khal len Kan tlan zo hnu hnu pacang tha kan si lo hman ah mi fim le thiam cu kan si ko ding.
    Si rori, Chrstian kan si vek in Pathian rinsan tu kan si ding hi athu pi bik ko….Pathian lawng hi kan BEU NAK, KAN DAWR NAK si (The eternal God is your refuge,… He will drive out your enemy before you).
    Refugee pawl in Lairam an tansan maw?na ti mi ah cun….in tan san anti thei nak aum tin ka ruat…ziang ah tile TANSAN, LIAMSAN ti vek tawngkam hi mi nung kan thih tik ah maw, kir sal tum nawn lo in an feh suak ti vek ah maw hman asii Pumsa thawn kan tong aw dah nawn lo ding ti nak maw asi thei ding… cu ruang ah Phone thawn maw… Interet in maw kan biak aw thei. Tangka kan kuat aw thei ko nan a thu pi bik kan Mi Pum thawn kan tong aw thei nawn lo tik ah in tansan an tih thei nak a si bik ding ka zum. Cu tik ah ralkap Cozah (or) atu constitution a hnget khoh sung cu kan kir sal thei nawn lo ding ti cu kan thei ko si. Pu Lian Cung Nung cun a duh tik poh ah Lai tlang CiiCai a va tlawng thei… Lai ram an khuan mi pawl khal in an duh tik poh ah an ra tlawng thei… cu ruang ah a vaih san maw kan ti thei nan a tan san cu si hrim hrim lo.
    Bible sung le History lam kan zoh tik ah REFUGEE tlan dan phun phun a um I Chin pawl teh ziang ruang bik ah kan tlan??? (Politic le hrem nak ruang ah ti bang sehla Karen, Shan, Mon, Rakhine, le Karenni pawl lak ah kan mit kan meng ngam pei maw???) Ziang mi bik hi si kan refugee lung put??? Bible sung le history ah cun refugee feh cu Lungawi nak lam (Blessing) cu asi hrim hrim lo nan ziang ruang ah Chin pawl in refugee feh tul le feh ngah hi Pathian thlawsuah vek ah kan ruat???
    Refugee feh ruang ah a feh tu le Chin hills ah than so nak tampi aum ti cu zapi theih si ko… A feh tu tla feh ding si ko, feh tla hi kan san ti luan i tul mi pakhat cu si ko nan REFUGEE feh hi Chin mi kan NUN HAR NAK hrang i ANSWER asi lo ti mi chu kan MIPI fiang ten kan sim ding cu tha tin ka ruat…. A feh tu pawl khal in kan si nak le din hmun thei fiang in kan si nak kan phur ngam cu tul ve. REFUGEE feh ruang i tangka kan neih mi le kan thangso ka ti mi hin Chin dignity a sang ter maw a niam ter sawn??? Pathian cu a mah zum tu pawl hrang ah thu in kam i kan zum i bei sei nak kan nei….. Refugee feh tu hrang ah zo hman in ol ten nan kir sal ding tin thu in kam lo… thu kam um lo mi par ah Christian dik tak pawl in ol ten kan kirsal leh ko ding tin kan beisei mi hi thu tak ngai pi asi ke maw??? Ti vek pawl tla hi ruah atul nasa… Mizo ram kuli hlawh vek, Khamti maw, Phakant maw, Moekok maw i tangka hlawh vek i kan um ciam co men le kan ruah men le cu pawi zet ding…
    “Refugee Feh tu pawl hi Ruun tu ding si lo in Ruun tul mi pawl an si sawn” kei mai personal ruah dan men si…
    Kan Mifim le thiam pipi pawli dai ngam lo mi thu na vun thua mai I na Pa nasa ko.
    Lungawi.

  4. H.Sui Lian Mang says:

    Dam Suan Thang ih nganmi netabik ca tlang cu personal tiawk a bang ih a mawi lo in ka ruat. “Na Pa nasa” ti vek ti awk cu a mawi lo deuh in ka ruat. Kan rel duh mi cu Refugee pawl nautat le Refugee pawl khal in ramsung mi zoh niam um lo in tan tlang ding kan duh bik mi a si ti nan thei cio ko. Pacang tha cu a miphun hrangah a thi ngam. Asinan a thih ruangih sullam a neih cuang lo ah cun a thih man a thahnem lo. Miphun hrangih thih ruangah kan miphun luatnak an ngah ding ahcun a thi ngamtu an um ko ding. Cun mi tampi an thi zo fawn. Kan ralkap pawl anmai phungki pawl hman that hluahhlo pawl minung zonruahnak nei lo pawl hnen ih zawhte thih le uico thih tluk hman si lo ih thih ding cu ziangtin na ruat?

  5. Dam SuanThang says:

    “Na Pa nasa” ti cu hi lam i kan upat awk nak tawngkam sii, nautat nak lam i na ruah ah cun sorry. zo nasi ka lo thei lo i nau tat nak ding tla um ding ka zum lo. Ram le miphun duh dawt i caa na ngan mi par ah ka lo upat mi si.
    Asi nan ca ngan mi ah lairam i um pawl in Tupi pawl kolhter le leilung siat suah i ramdang um pawl in ram an thang so ter sawn ti lam hawi in na ngan a bang deuh i thu kau deuh kan ruah ding ah adjust deuh i thu kan ruah ding ah ka lo comment mi si.
    Pathian in pek mi kan ram le lei lung ni tin kan nun nak hrang i kan hman mi par ah siat suah tin kan sim thei lo ding. Bum nak tampi thawn Refugee feh ding ah lam zin in hawl sak tu le in forh tu pawl i thin lung hin Kan Chin mi moral a siat suah i kan Christian si nak a niam ter. Lei le Ram a um sung cu milai kan um ko ding nan milai moral a siat i kan hlo vivo le cu kan ram kan luah thei nawn lo sawn tla si men ding.
    Ziang khal len thu kan ruat vivo kei i ram sung um pawl le ram leng um pawl kan lungrual ding hi athu pi i ka thla cam nak khal asi… Again, lo nau tat vek ah in ruat lo ding ah ka lo dil bet.
    Pathian thu kan ngai i Chin thin lung put kan neih sung cu unau kan si, kan rel bet vivo pei cu thu tha tha lam suak vivo hram seh.
    lungawi.

  6. Dam SuanThang says:

    Cun…pakaht leh ah… Thu sut nak um bang seh la… Ziang ruang ah Refugee na feh? Ralkap Cozah nih directly na par ah ziang a lo ti? Ralkap pawl in Chin mi an mah do tu si lo mah te um men ziang zat an that? ti vek pawl…..
    Cu ruang ah, Pathian han tuan pawl le Refugee feh pawl in Ralkap Cozah lawng lawng kan sawisel hi a dik cawk pei maw? Christian nun teh si pei maw? Rome 13 siar aw…
    An thu ngai dan le pawl dan thiam in han kan tuan thei sawn lo pei maw???
    Chin mi a um sung cu Ralkap an um ve ding i ka do cawk lo ding…
    Dr. Sapte cun an mah pawl thawn han tuan tlan dan thiam in kan Chin ram hrang khal ah Thil tumpi a tuah thei vivo ding kan beisei..
    Refugee kan feh san hi Ralkap Cozah relsia ding le do ding ah asi maw???
    Asi lo ah cun,,, kan rel sia nawn lo pei uh….

Comments

%d bloggers like this: