Refugee pawl kaitu thuthensak

Nunau thiksia in an inn a urkang

Kan dung April 12, 2010 ah Australia ram Adelaide khawpi ih thuthennak inn (court) cun Rajini Narayan (kum 44) cu amai’ pasal zahmawh urkangtu tiah a puhmawh ih, thu a then sak. Rajini hin 2008 ah a pasal cu a ih thah lai ah ‘Methylate spirits’ thawn a zahmawh a tawih ih, meisa in a ur kang.

Cuih meisa cun an umnak inn (A$ 1,000,000 man) a zate’n a kang thluh. A pasal cun a rei hlan ah hliamhma a putmi cu a thihpi. Rajini cun kan dung thla ah thuthennak inn (court) ah “Nunau thiksia ka si, ka pasal ih zahmawh hi keima ta a si ih, ka urkang thluh ahcun midang in zianghman an co lo ding ruangah hiti vekin ka urkang mi a si” tiah a sualnak a phuang aw. Asinan Rajini cun an inn pi cu a siatsuah hrim a si lo tiah a ti. Rajini hi sumpai kuanternak in rei lote hrang suahter a si ih, hmai thla ah thu an then sak saal ding. –dpa

Refugee pawl kaitu thuthensak

Kan dung April 13, 2010 ah South Korea thuthennak cun an ram ih pacang pakhat cu North Korea refugee pawl kaihkhihnak ding tawlreltu tiah an puhmawh ih, thu an then sak.

South Korea mi Kim (kum 55) hi Tuluk ram ah passport loih a um lai (kum 1990) ah N.Korea pawlin training an rak pe rero zo ih, Tuluk ram ih North Korea refugee pawl an ram ih kuat kir saal ding le raalkap dinhmun zingzawi dingih fialmi a si. Kim hin kum 2000 A.D ah Pyongyang khal a tlawng dah zo. A hnatuanpi pakhat cu Tuluk ram palik in an kaih ruangah Kim hi kan dung thla ah South Korea ah a ra kir ih, acozah cun thlingthlatu tiah an rak kai a si. – AFP

Spain ah linghnin

April 12, 2010 ah Spain ram thlanglam Granada khawpi ihsin 24 km ah 6.2 magnitude linghnin a thleng tiah US geologist pawl cun an sim. Asinan Spain acozah cun milai thihnak le inn le lo siatralnak zianghman report an tuah loih, 4.8 magnitude lawng a si tiah an ti ve. Kan dung zarh zarhpi ni khalah Peru ram ih Hualcan Tiva kap ah saklam ihsin vur tlang tumpi a tolh ruangah mi (50) hrawng in hliamhma an tuar ih, a kiangkap ih umnak inn (20) hrawng a siatsuah thluh. Kan dung February thla cem tiang Peru ram boruak dinhmun zoh in ni 40 sungah vur tampi an zupral ih, leilung sat daan a langter tiang Peru acozah cun an sim.

Ahleice-in kum (30) sungah Peru ram ih vur then (3) ih then (1) cu an hloral zo a si tiah Cesar Alvarez cun a sim. Europe thlanglam le South America ih linghnin pawl ruangah cahnah tuahnak ding thilri man a kai vivo ih, a rei hlan ah Asia khalin an tuar thei ding tiah ‘economy experts’ (pursumleilawnnak ih mithiam) pawl cun an sim. – AP

(Visited 117 times, 1 visits today)

Comments

comments

Comments

%d bloggers like this: