Redwoods Thingkung Ihsin Zirnak

October 22

Tlawngkai Ninga

Redwoods Thingkung Ihsin Zirnak

Siar:

Isaiah 65:17-66:2

Thingkung bangin ka minung pawl cu an san a sau ding. An ttuanmi rah cu tlamtlingzet in an ei ding. Isaiah 65:22

Kumkhat Sung Baibal:

–   Isaiah 65-66

1 Timote 2

Saklam America ram Pacific tipithuamthum kap ih um Redwoods thingkung pawl cu leitlun ah a tumbikmi thingkung pawl an si. A saangbik an timi Hyperioa thingkung cu pi (379) tiang a saang.

Carlifornia ramtthen um Muir Woods National Park ih ka leenlai ah redwoods kung pawl ih tum daan in ka mang i bangter. Inn dot 30 tluk ih saang ka hun zoh ih khua ka ruat tikah zianghman si lo niamtuk in ka thei aw.

Leilung tlun ih thingkung saangbik le tarbik pawl tawhram ih ka umlai ah hih thingkung pawl hi an ciinnak ziangtluk a rei pei timi ka thinlung in ka ruat. Milai  bangin hih redwoods thingkung pawl khal hi sersiammi hnakih a tum sawn le kumkhua cemni nei lo Sersiamtu parah hram an bun ve a si.

Profet Isaiah in hih Pathian cu hmakhatte a hmu duak. Lei thar le Van thar thawn a pehpar awmi a thukam sunglawi Messiah ih mangbangza uknak ram cu laarnak (vision) sungah a hmu ih, Bawipa ih hrangah Vancung cu a tokham a si ih leilung cu a ke retnak a si, a ti (Isaiah 66:1).

Isaiah in thil dang hmuahhmuah hnakih tum sawn le nasa sawn mi mangbangza a hmu. A minung pawl cu a sersiam tharmi parah lungawi aipuang in um ringring hngai seh ti a duhtu a maksakzetmi Pathian a hmu (Isaiah 65:18). Curuangah tangdornak thawn A hmai ah kuun in biak uhsi! (66:2).    – Mart De Haan

A ralai dingmi thluasuah ruah cu,

Ziangtluk in a sunglawi;

Kan nun sung hmuah Pathian bomnak in,

Cem ti um lo lungawinak. – Branon

Pathian in sersiamnak hnattuan a ttheh zo;

thangtthatnak kan hnattuan cu a thok a si lai.

(Visited 24 times, 1 visits today)

Comments

comments

Comments

%d bloggers like this: