Red Cross: Mithi 128,000 kim

15|May: YANGON, Myanmar – Red Cross in tlawngkai nithum nitiangih a zumdanah cun Nargis ruangahih mithi 128,000 hnakih a tamding le Kawlram acozah ih a hminsinhnak ih a tamsawn a zum. UN cun Kawlram in bawmnak ramdangih sin a lak duhlo ahcun mi ziang mawtizat in a voi hnihnak an thih phah sal ding tiin Kawlram cu ahringhro.

Kawram acozah cun tlawngkai nithum zanih a zohfel nakah cun mi 38,491 lenglo mithi um in le mi 27,838 tluk hlo in a puang. Asinan The International Federation of Red Cross and Red Crescent Societies, cun mithi 68,833 and 127,990 tluk cu an si ding a ti ve. The Geneva ih um miruang siartu ih a puan danah cun Mithi zat hi pawl dangdang ih an puandan abangaw cio lo ih Myanmar Red Cross Society pawl tel in pawl 22 in an puang cio tiin a ti.

U.N. officials cun mithi cu 100,000 lenglo an si ding a ti. Red Cross cun May 3 niah bawmtul mi 1.64 million ihsin 2.51 million tluk an umzo a ti.

Kawlram prime minister, Lt. Gen. Thein Sein, cun Thai Prime Minister Samak Sundaravej aram sung ih ratlawng hnenah acozah in a mah ten a zohkhen awthei ko ramdangih bawmnak a tul lo ding tiin, tlawngkainithum niah a sim.

Elisabeth Byrs of the U.N. Office for Humanitarian Affairs Geneva ih asim danah cun harsa tuar mi 270000 hnen lawngahbawmnak a thlengtheilai, World Food Program cun Fang 55000 tons cu mi 750,000 thlathumsung ei dingah an tulih 361 tons tluk lawng anphurh thei thu a puang.

Ralkap pawlcun Thai Sivai thiam pawlcu tlawngkai nithum niah Thlisia ih a nuai hleicenak hmun ih lut an singlo thu Thailand’s Public Health Ministry Dr. Thawat Sutharacha cun a sim, Tlawngkai ninga niih an luthei a siah cun ramdangmi Sivai ih luthmaisabik tu an si ding tiin a ti bet.

Kawlram cun ramdangih mithiamsang tampi a ramsungih luh a sianlo thu le mi 160 a inn hnen ram- China, Bangladesh and Thailand pawl lawng a siangding thucu a puang, asinan hipawl khal Thlisia ih a nuainak hmun taktak ah luh an siang ding maw ti cu theih a si cuanglo.

U.N. humanitarian chief John Holmes cun Kawlramih a ramsungih ramdangbawmnak ansian cu a lungawipi a sinan Thlisia ih a nuainak hmun taktak ih tuan an sian cuanglo ah cun ziang hman um zia a nei lo a ti.

U.N. Secretary-General Ban Ki-moon cun bawmnak Kawlram hrangih pe dingih tawnawk khawmnak (meeting) a tuahih a inn hnen ram khal harsa tuar pawl bawm dingih cangvai ve dingin a sim. ” Kawlram in ramdangih bawmdingin a siangaw, asinan a maltuk lai, A harsatnak tuarmi hin malte lawngsilo in, Leitlun pumhuap ih a tuah a tul a si a tibet.

Hi thuthanhi Associated Press cangantu Edith M. Lederer le United Nations ih John Heilprin, Washington in Matthew Lee, Geneva in Frank Jordans le Bangkok, Thailand ihsin Sutin Wannabovorn pawlih nganmi a tawizawngih lak mi a si.

Comments

comments

Comments

%d bloggers like this: