Rebecca Zahau A Thihnak Thu Tharthawh Salnak

then-jonah-met-an-ophthalmic-technician-who-was-said-to-be-full-of-life-Uk Lian

Tu cun Rebecca Zahau 32, thihnak kum khat leng a kim thlang. Asinan, a thihnak thuhla hi a dai thei dahlo, tuini tiang leitlun thuthangca ngantupawl le misual cangvaihnaklam zohthiam pawl cun cawl-bangloin an zingzawi rero lai a si.

Rebecca Zahau a hmin pum (Rebecca Mawii Zahau) cu a tlangval inn sangkate (balcony) ah a lawngfangkheh, a kutke hridai thawn ṭem tahratin a khaiaw that mi a taksa cu July 13, 2011 ahkhan Coronado, California ah hmuh a si.

A thih hlan ni hnih ah a tlangvalpa ih fapa Max Shacknai kum 6 mi cu a thihnak hmun thotho ah a rak cangsual ve. A lulam tiang a hliamawk ruangah sizung a thlen hnu reilote ah a thi.

“Becky hi a awkaw that lo, thahmi a si”

Curuangah Rebecca Zahau thihnak le a tlangvalpa ih fapa Max Shacknai thihnak cu pehawknak an nei tiah zingzawitu pawlin an zum.  September 2, 2011 ah San Diego Sheriff Bill Gore cun Rebecca Zahau cu awkaw (a khaiaw that) ih Max Shacknai cu cangsualnak ruangih acangmi a si tiah an phuang asinan Rebecca Zahau tei sung cun amahte a thataw lo tiah an ṭang ve.

Rebecca Zahau Thih Daan

Rebecca-Zahau-rope-balcony-exclusiveRebecca Zahau a thih hlan July 12, 2011 ah a naunu kum 13 mi Missouri ih tlung ding mi airport ah a thlah. Cumi phah in a tlangvalpa ih unaupa Adam Shacknai Memphis ihsi ra thleng a hmuak phah. Cutin, a tlangval Jonah Shacknai, a unaupa Adam Shacknai le an rualpa Howard thawn zanriah an kil khawm. Zan ah awnmawi ring nawn ih an rak play mi cu an veng hnen pawlin an thei ban.

Rebecca Zahau ih tlangval sizung ih a feh lai ah a tlagnvalpa (a kawppi)  ih naupa cun Rebecca Zahau a kut le ke pawl ṭemaw, lawngfangkheh in an sangkate ih a khaiaw that a hmuh tikah a upa zamrangte’n a phone. Himi can hi zinglam nazi 6:48 asiih. Palikpawl a hmun an ra thlen hlan ah Adam Shacknai cun a khaiaw mi a taksa a rak ṭhum zo.

Nazate’n an zoh tikah a kaa ah thil an rak barh ih a taksa kutke ṭawn pawl an zoh tikah mahte ih khaiaw that thei dingah an zumlo. Cutin, ziangruangah a thi timi thei fel loin July 23, 2011 ah St. Joseph’s Memorial Park ah an vuiliam ta. Rebecca Zahau a thih hlanah le a thih hnu ah a computer hmangtu an um. A computer ih a hawl mi pawl an zohsal tikah “Rape””, “sexy girl” le “Asian girls” tivekpawl hmuh a si. Curuangah, Rebecca Zahau hi amahte a that aw ding cu zum a si lo.

Ahleice in, Brazil, New Zealand, Finland, Spain le United Kingdom pawl ah July thla sung pum thuthang daitheilo ah a cang.

Rebecca Zahau hi

acfc71a24a57c5173339c7e0d51c6560Rebecca Zahau hi March 15, 1979 ahkhan Falam, Chin State ah a suak. Rebecca Zahau hi Nalepa ti khalih kawh a si ṭheu.  Pu Khua Hnin Thang le Pi Zung Tin Par ih fanu a si. U.S ih a umnak kum 10 a kheng zo.

A nulepa le unau dang pawl tla Saint Joseph, Missouri ah an um ve. A unu hi, Mary Zahau-Loehner asi ih a naunu hi, Snowem Horwath a si. Rebecca Zahau cu Neil Nalepa, Scottsdale, Arizona mi thawn an rak nei aw dah ih February 2011 ah an ṭhen aw sal.

Cule, May 2011 ihsin Zahau timi a hmin a hmang thok. A pasal Nalepa thawn an um tlang lai 2008 ihsin Rebecca Zahau cun Shacknai thawn an rak komaw thok zo. Kum 2010 tiang ophthalmic technician sizung ah hna a ṭuan.

Shacknai le a fanau thawn caan tam an hman theinak dingah a hotu hnenah siannak rak dilin a rak cawl.  A pasal Jonah Shacknai, 54 hi Medicis Pharmaceutical  CEO dinhmun kai  rero lai a si. Amah hi Suffern, NY   ih piang suak mi a si. Arizona ah a um ih 2010 kum ah dollar 6.4 million a nei tiah hminsin a rak hlawh. Nupi veihnih a nei. A hmaisatu cu Kimberly James asiih a neitatu cu Dina Romano a si.

Tlangval ih Fapa Max thihdan

July 11, 2011, ah Rebecca Zahau le a naunu thawn a tlangval tei inn ah a tlangval ih fapa Max Shacknai thawn an um khawm. Max Shacknai cu amahte tlangleng-tawivak cu a tluriil.

Zumnak ahcun bawhlung a palsual lole uico a palsual a si ding an zum. A hmai a khawng ngah hmaisa ih cutin a ruh le a lu lam tiang a khawng ngah ruangah zianghman theiloin a riil.

Cuti, a um lai ah Rebecca Zahau cu tikholhnak ah a rak um. Asinan, a naunu sawn in a hmu ih Rady Children’s Hospital   ah an feh pi. Asinan a damsuak theiloin a thi.

Dr. Phil McGraw zingzawitu...

Video hmangih a thuhla phuangtu Dr. Phil McGraw

Rebecca Zahau thihnak cun mipi thinlung a tham nasa ih leitlun zingzawithiam pawl cun a thih daan fiangzet ih theih duh ah nasate’n an hliakhlai rero.

Rebecca Zahau thihnak thu hi leitlun thuthangca le magazine pawl ih headline ah thla tampi sung a lang. Ahleice in, Brazil, New Zealand, Finland, Spain le United Kingdom pawl ah July thla sung pum thuthang daitheilo ah a cang.

Tuikum September ah Forbes ih cangantu le thahawknak thuhla ngantu Cathy Scott le lawyer Victoria Pynchon te pawl tla cun a thih daan hi mahte thataw asi an zumlo thu le a thuhla zingzawi ih hliakhlai tuahtu pawlih tlaksamnak a um an zum thu pawl an sim.

Cun hleiah, “Mahte that aw” ti khalih ko nawnlo ding tiang  ih an duh thu tla an sim. Tuikum September 19 ah canganthiam Kathleen McKenna cun Rebecca Zahau a thih dan a rinhlel thu cabu in a ngan tum thu a rak sim cia.

Sungkua tuarnak

citylights2_lead1_t658

An unau thum ten…

Rebecca Zahau unau sungkhat pawl cun amahte a that aw lo timi an zumnak a reh thei lo. Rebecca Zahau hin a nunnak hi a ngaithupi ih sunglawizetin a nunak pumhlum a hmang ve a si. Cun, Pathian duhdawtu le sungkua unau duhdawttu a si tiah Rebecca Zahau unu cun amahte a thatawk ding a zumlo thu an sim.

Cuhleiah, a naunu khal cun “Becky hi a awkaw that lo, thahmi a si” tiah a sim ve. Rebecca Zahau rak zirhtu pakhat khal cun Rebecca Zahau hi milungawi thei le aipuang pawl a si tiah amahte a thahawk a zumlo thu a sim ve. Cun, Rebecca Zahau hi “Pathian zumtu, mahte thataw hi sual asi” timi thukeng ih zumtu pakhat a si.

Nikum September 7 ah Rebecca Zahau hrang website JusticeForRebecca.org  rak tuah a si. Cutin, September thotho ah a thihnak thuhla cu tharthohsal a si. A website tla cu mipi zingzawi ding ih dilnak men si nawnlo in thuhla thar ngannak ah an thleng cih. September 20, ah Jonah Shacknai cun California Attorney General Kamala Harris hnenah Rebecca thihnak thu thlirsalnak nei dingah a dil kir, asinan a kuthnuai chief assistant attorney general Dana Gillette cun an zoh kir tum lo thu a rak kuat sal. Sikhalsehla September 30 ah Rebecca tei sung cun NBC Today  lang in, state Attorney General’s office pawlin an zingzawi ding thu an sim ve.

A langdaan le a sulhnu zoh tikah mate thataw asi lo tiih authawm a tam

Zahau tei sung cun an sungkua aiawh thurelsaktu dingah Anne Bremner an ruai. Anne Bremner cun, Rebecca Zahau amahte a thataw lo timi a zumnak thawn “Santhuanthu khalah hivekih minu mahte thataw thei an um ding loih tu hi a hmaisabiknak a si ding…a langdan vek asile zumtheih lo thil a si” tiah a sim. Rebecca Zahau ih tlangval khal cun a thih hnu zarh khat ah Sitrick and Company pawl ruai in an thuhla buai thawidai lohli dingah a cangvai ve.

mansion_deaths_04_540x405

A kawppi pa thawn

Tui A thuhla Buainak:

Rebecca Zahau cu amahte thataw a si thei hrimhrim lo timi, zingzawipawlih hmuhsuah daan a si. A langdaan le a sulhnu zoh tikah mate thataw asi lo tiih authawm a tam. Asinan, zo in a that, ziangtin an that timi theihfiang a theih lo. Hivek thuhla zingzawi ih cabu 30 lenglo suahtu pawl khal luzing mangbangin an um.

Rebecca Zahau thihnak kiang ih cangan “She saved him Can you save her” Amahnu in amahpa a run, amahnu na run thei maw? Timi hin zingzawitupawl a mangbang terzet ih a ca taanmi ih sullam an theithei lo in tutiang an um.

A tlangvalpa ih fapa Max tluk bahnak hi amahte tlubah siloin an that thotho tiin a hringtu nu Dina cun a sim ih himi thihnak ah thu ah Rebecca Zahau a tel ve tiah a puh. Culo khal an tel ding ih a zum thu Dina cun a tarlang.

Rebecca Zahau case hi zingzawitupawl in an theihtheilo ruangah mangbangin an daithlang tum ṭheu, asinan, Rebecca Zahau tei sungkua lam tharthawhnak thawn a thuhla hi tinung sal ringring a siih, khat lei ah a tlangvalpa cun a thuhla dai dingah a duh ve.

-Hram: 

https://en.wikipedia.org/wiki/Death_of_Rebecca_Zahau

Wikipedia

Comments

comments

4 Comments

  1. Rebecca Zahau , a lai hmin hi Hniang sin mawi’ a si in ka thei, ka theih sual lo le

  2. Ngeih chia te in.

  3. Haha….haha..Rebecca zahau, ka lungawi.

  4. Vahai ziangah so na lungawi naak san? Sim hnik……Na Ttong dan veekin na parah a thleng leh ding Ziangmi duh in na Ttong tihcu ka theilo naan, Vancung Pathian in a thei hokhaw……….

Comments

%d bloggers like this: