Rawl Ttukttak

January 2

Tlawngkai Nithum

 

Rawl Ttukttak

 

Bible Siar Ding: Saam 119:97-104

 

Na thupekmi pawl an thlum zia cu!

Khuaitizu hnakin an tlum sawn.

–         Saam 119:103

 

Rawl ttukttak tampi umnak leilung ah kan um. Kan zate in a ringring in kan tisa rilrawnnak kha a remcang daan le a thaw kan timi, harhdamnak le thazaang cahnak si huaha lomi ei le in thawn kan lungkim tawk men ttheu.

Kan taksa pum kha rawl ttukttak thawn kan khatter bangtuk in kan thlarau nunnak tla thlarau rawl ttukttak thawn kan cawm ngah pang ttheu. Kan tikcu caan le kan thazaang kha kumkhua nunnak hrangah zianghman a tthahnem lomi cangvaihnak tete pawl ah kan hmangral ttheu. Cutikah kan thlarau nun cu Pathian Ttongkam ei ngah loin a cau in a vaivuan.

Saam hlangantu in Pathian Thu a hiarhaal lawng si loin, a thawt zia cu khuitizu hnakin a thlum sawn zia atak in a tep ngah a si. Nang teh cuti’n na ti thei ve zo maw? Mihrek cun Bible hi a daan men in kan siar ttheu ih kan thlarau nun tthanlen pitllinnak hrangah atak in a thawtnak kan thei ngah ttheu lo. Bible cu kan thlarau nun rilrawnnak diriamter theitu umsun a si. Tikcu caan sunglawi kan neihmi cu Bible siarnak ah hmang cio uhsi!

Leilungpi cun “Nunnak Sang (Bread of Life)” thawn kan cawm awk ringring thei lonak dingin in bum in in thlem ringring. Na thlarau nun kha rawl ngai a si lomi rawl ttukttak (junk food) thawn cawm pang hlah aw.

 

Nunnak Sang, ka thlarau nun diriamter thei lotu ih ka cawm awk ttheumi hi in ngaidam hram aw. Na Ttongkam le Thlarau Thianghlim thawn

ka thlarau nun cawm thiamtu si dingah in bawm aw.

Pathian ka duhnak le Bible ka duhhiarnak siatsuah theitu

thlaraulam rawl ttukttak pawl ralring te’n ka hrial maw?

 

@Ava Pennington

Comments

comments

Comments

%d bloggers like this: