Rawl Thupi

July 15
Zarhpi Ni

Rawl Thupi

Bible Siar Ding: Kolose 3:5-14

Nannih cu Pathian ih minung nan si; a lo duhdawt hngai ih Amah ih hrangah a lo hrilmi nan si. Curuangah zawnruahnak, zaangfah thinpemnak, tangdornak, thinlung neemnak le thinsaunak pawl cu hnipuan bangtuk in hruk uh.
– Kolose 3:12

Thazaaang umnak ei-in khop lonak (malnutrition) cu natnak a phunphun thawn an kop aw. Vitamin D khopkham lonak in nauhak natnak, thin le laa tthang (rickets) a suahter, Vitamin C khopkham lonak cun thiisen nat (scurvy) a suahter; ih Vitamin B1 (thiamine) hlawhsamnak in kethling natnak (beriberi) a suahter. Hih natnak pakhat cio ih thuhram kan zoh tikah tidamnak (healing) cu minung taksapum ih a ttulmi ti le rawl, ei in khopkham ih ei in ngah ding a thupit zia fiang te’n kan hmu thei a si.

Kan taksa ruangpum a harhdam theinak dingah a ttulsammi ti le rawl pawl ei in ngah a ttul bangin kan pehtlaih awknak pawl khal hi khopkhamzet ih cawm awk a ttul ve a si. Pehzom awknak hi a nungmi a si. Ttha te’n cawm awla a cakvak ding. Bible in kan pehtlaih awknak cu vitamin sii tthattha a simi thutak simnak, tthatnak, zaangfah lainatnak, zawnruahnak, tangdor teih pehtlaih awknak, lungneemnak, thinsaunak le ngaidamnak timi pawl in ttha teih cawmdawl a ttul zia in sim.

Yahweh Rapha in A Fapa Jesuh Khrih thawngin a dam lomi kan pehzom awknak cu a damter saal zo. Atu ah hih lungawinak thuthangtha hi a naa besiatmi leilungpi ah simthan le hlawm dingin in sawm a si. Cumi tuah thei dingin Pathian ih zaangfahnak in hmuhtermi midang ih an co thei venak dingah kannih cu a feh theimi leeng vek kan si a ttul. Thutak a um, “Nangmah cu mipi ih siar theihmi Bible umsun na si.” Midang pawl in kanmah thawn an pehtlaih awknak sungih humhimnak an neih thei lo ahcun in Rundamtu cu anmah rundamtu ah an rinsan thei lo ding.

Yahweh Rapha, ka nunnak sungih na umtermi mipi ih an hmuh le an cohlan theinak dingah sim le hmuh thei dingin in bawm hram aw.

Pehzom awknak ka neihmi ah ziangbik si damter ttulmi a um?
Tuni ah damternak cu ziangti’n hram ka thok thei pei?

@ Ava Pennington

(Visited 20 times, 1 visits today)

Comments

comments

Comments

%d bloggers like this: