Rawl Khawm Tikcu Hngak

February 23

Tlawngkai Nikhat

 Rawl Khawm Tikcu Hngak

 Siar: Mark 4:26-29

Hmaisabik ah hnah no an suak, cuih hnu ah an vui ih a netabik ah a fang a um,…faang- ah caan a cut ruangah faang-ahnak hmun ah faang cu a at. – Mark  4:28-29

 Kumkhat Sung Baibal:          Mipum. 7-8           Marka 4:21-41

 Rawl khawm daan a sual maw timi cabu sungah James Engle le Wilbert Norton in Jesuh cu i Rundamtu  a si tiin zumnak thawn cohlan hlanah lungthlengnak a dotdot a um zia a langter.

 Pumpak ciar ih tettikhannak kan theih tikah zumnak timi cu hmakhat te ah a ra cang tiah kan ruat men thei. A ngaingai ahcun thleng awknak taktak an neih hlan a dunglam caan reipi ihsin thlaraulam thuhla saupi an nei cia ttheu. Thuthangtha ruah thuknak caan an neih taa a ttul. Cumi pawl hrangah Jesuh Khrih hnenih rat cu karbak pakhat kal khi a si.

 Pianthar thu hi Lo-thlawh daan thawn a bang aw. Jesuh ih thutthimnak pakhat ah, zumnak cu faang vekih tthang vingvo dingin tikcu caan laak a ttulzia a sim. Thuthangtha kan cohlan daan cu thlaici kho vek a si. Hmaisabik ah a hnah a suak, cu hnu ah an par ih cuih hnu ah thlaici mu a hung suak, cule a netabik ah thlaici khawmnak caan a ra thleng (Mark 4:28-29).

 Mi tampi cu thleng awknak an neih hlanah Thuthangtha thei thuk dingin zirnak tikcu caan tampi an ttul ruangah an zumnak ziangtluk a si ti theihthiam sak a ttul. Cutivek caan ah thlaraulam thu theih duhnak thinlung neihter ding le thlacam sak in faang khawm caan hngak ding a si.

                                                                             Khui ah na feh rero ti na ruat dah maw?

Hih leitlun na nunnak a cem tikah;

Thlaici na tuh reromi pawl,

Kumkhua daih in an rah ding maw?

 

Thlaici kan tuh, Pathian in thlai rawl khawm ding a suahter.

(Visited 15 times, 1 visits today)

Comments

comments

Comments

%d bloggers like this: