Rapthlak khawdur danglam

12-11-08/TOI: Van lam khi na zoh dah maw? Van lam na zoh tikah khawdur ti tiamtiam na hmuhcaan a um ding. Hiang pawl hi mifim thiam pawl cun nasa zetin an zingzawng ih an hmuhsuak mi cu “atmospheric Brown clouds” tin an ko. A hleice in Asia ram ah nasa cuang in a tleng.

Van lam zoh tikah khawdur danglam nawn in a um ih cuang pawl cu mawtaw khu le factory hna tuannak khu pawl le thil dangdang gas pawl kawmkhawm ih a cangmi a si tin an phuang ih mikip khalih theihcia mi a si.

Zan thing ur kang mi le rawlsuannak meisa khu ramkip ih kan hman mi cu kan thei cia mi a si theh. Asinan tui UN Enviroment Program pawlih an hmuhsuak mi hicu thil thleng maksa a si ruangah mipi pawl thei dingin thuthang ah ralrinnak an pek a si.

Hi vanlam ih khawdur danglam lang maksa ih an relmi hi Asia ram Mumbai, New Delhi, Kolkata le khawpi dang Bangkok, Lagos, Seoul, Shanghai, Shenzhen le Tehran pawlin an tuar hleice. Thuthang ih a phuan tumbik mi cu, khawdur dum tiamtiam pawl hin ni ih satnak 25% in ati malter ti a si.

New Delhi, Karachi, Shanghai le Beijing pawl tla cun hi boruak thalo hin an thinlung a ti buai zet. Khawdur cun khua a thimter. Hram hring le thingkung hringcia pawl a ti ngau theh. Khua a dai zual ter ih mi tampi hrangah damlonak tiang a thlen a si.

 

 

 

 

 

(Visited 46 times, 1 visits today)

Comments

comments

One Comment

  1. CT,

    Na ngan mi a thu ah si lo’n a cangan dan ah mal te rel ka duh.
    Hiang,cuang tin na ngan mi hi a mizo deuh maw tiah.
    kan lai t’ong in hi vek,hi mi,cu mi,cu vek tvk pawl hmang in a rem deuh ding tiah..

Comments

%d bloggers like this: