Rangttial le Zukneng

December 12

Nipi Ni

Rangttial Le Zukneng

Siar:

1 Korin. 12:14-26

Cuticun ruangpum parah tthentthek awknak zianghman a um lo; taksa tthen pakhat le pakhat parah zawnruahnak an nei sawn a si.

– 1 Korin. 12:25

Kumkhat Sung Baibal:

–   Hosea 9-11

–   Thuphuan 3

Kan vanzamleng a cawlh vete’n Jay thawn Kenya ram ih Masai Mara phunhnam pawl umnak ah kan feh cih. Masai phunhnam pakhat a simi Sammy in kan thilri pawl cu a Land Rover mawttaw sungah a ret ih ni hnih sung kan umnak ding hmun ah kan feh.

Lamtluan ah Masai Mara ihsin Serengeti lam ah a vai mi hramlak rangttial (Zebra) pawl le zukneng (Gnu) pawl kan zoh phah tthei. Sammy ih in simmi cu: Rangttial pawl hi khua ttha te’n an hmu thei nain rim theihthiam theinaklam ah an hlawhsam. Zukneng pawl hi khua ttha te’n an hmu lo nain tthazet in rim an theithiam. Curuangah an feh tlang tikah siatsuahnak an tong mal a si. Cumi cu Kenya ram ih kan hmuhmi sersiammi tampi sungin Pathian ih phuanlang awknak kan zir ngahmi thu pakhat a si.

Pathian in ramsa pawl hi an cahnak le ttonttaihnak bangrep loin a tuah hngai vekin milai khal in tuah ve a si. Pathian in Amah rinsan dingin le pakhat le pakhat rinsan awton dingin in tuah. Paul in Korin Cakuat a ngan tikah himi ruahnak hi famkimzet in a telh. Khrih ih taksa ruangpi a simi kawhhran sungah taksa tthen pawl kan si vekin a bangrep lomi thiltitheinak le thlarau laksawng dangdang kan nei (1 Korin. 12:12-31).

Hna kan ttuan tlang ih midang tthatnak hrangah kan cahnak ka hman lawngah kawhhran a harhdam.  – Julie Ackerman Link

Bawipa, ttuan tlang dingin in bawm aw,

In pekmi thlarau laksawng thawn;

Kan tumtahnak parah lungrualnak in pe aw,

Hih leitlun ah Nang kan lo rian vekin. – Sper

Mahte lawng hnakin ttuan tlangnak in hlawh a tling thei deuh.

(Visited 31 times, 1 visits today)

Comments

comments

Comments

%d bloggers like this: