Rangoon Khawipi Ah Bus Thar Tlan Thok Ding

Rangoon khawpi sung tlantu bus pawl cu hmaizarh ihsin an cawl dingih Bus thar in an thleng tluh ding tiin Yangon Region Transport Authority (YRTA) cun an phuang.

Khuahlan ihsin mipi pawl hrang ih tlan, Ma Hta Tha tiih theihlar mi Rangoon Division Motor Vehicles Supervisory Committee pawl ih tlanter mi bus pawl cu an cawl thluh tlang dingih bus thar le cangkang sawn in an thleng ding. Tui Bus thar pawl hi company 8 pawl ih neihmi an si ih January 16 ihsin Yangon Bus Service (YBS) ti hmin thar thawn an tlan thok ding.

A hlan ih Bus line 300 pawl cu line 60 (Bus thar 3000 lenglo) pawl in an thleng dingih mipi hrangah hahdamsawn le nuamsawn in an tlan thok ding. A hlan ta pawl an tlan thok duh a si hmanah tuih tuahthar mi hnuaiah an khum aw ding.

Bus tlanthar pawl cu rong dangdang in mipi theih ol dingin an thleng dingih asen, a pawl, a hring, a uk, bonawn rong ti pawl in an um ding. A uk rong in khawpi sung lailinak tlan a khihhmuh dingih, a sen cun veng dandang tlan, a bokbawn rong in thlanglam, a pawl in sak lam, a hring in lampi pakhat le pahat karlak pehtu ti pawl a khih hmuh sak ding.

Tu ih Bus thar tlannak ding hmun zatek 80% cu a hlan ih tlan mi pawl vek in asinan zatek 20% tluk cu a thar, lampi thar ah an tlan ding. Bus totu pawl hrangih olsam sawn a si theinak dingah Mobile app khal tuah a siih Bus to man hi a hlat le nai ih zir in MMK 100 – 300 a si ding.

Rangoon khawpi ih mi pum million 5.2 lenglo pawl lakin zatek 49 tluk in khawpi tlan bus an ring lai tiin, Japan International Cooperation Agency pawl cun 2014 ih mipi an zingzoinak ah an rak hminsin.#

Sirhsan – Irrawaddy

Comments

comments

Comments

%d bloggers like this: